Fréttir

Ákvarðanir um skipulag byggðar og fyrirkomulag framkvæmda varðar okkur öll. Því er mikilvægt að almenningur viti hvernig staðið er að ákvörðunum um skipulag og mótun umhverfis og þekki rétt sinn til að koma að slíkum ákvörðunum. 

Á fundi markaðs- og menningarnefndar þann 9. janúar sl. var samþykkt að hefja vinnu við ferðamálastefnu Fjallabyggðar. Markmið með gerð ferðamálastefnu er að móta og styrkja jákvæða ímynd Fjallabyggðar sem ferðamannasvæðis og gera áætlun um hvernig hægt er að gera Fjallabyggð að eftirsóttum áfangastað fyrir ferðamenn árið um kring.

Á fundi markaðs- og menningarnefndar þann 9. janúar var farið yfir ábendingar sem borist höfðu nefndinni vegna bæjarlistamanns Fjallabyggðar en auglýst var eftir þeim fyrir jól. 

Í vinnslu er að taka saman í eitt skjal yfirlit yfir alla viðburði í Fjallabyggð á árinu 2014 með yfirskriftinni "Viðburða- og menningardagskrá Fjallabyggðar".