Tómstunda- og íþróttastarf eldri borgara

Vetrardagskrá tómstunda- og íþróttastarfs eldri borgara

Tómstunda- og íþróttastarf fyrir eldri borgara fer fram á virkum dögum frá kl. 9:00-15:30.

Boðið er upp á fjölbreytta dagskrá, tómstundaiðju, samveru, holla næringu og fjölbreytta hreyfingu með það að markmið að viðhalda eða efla almenna heilsu og félagslega virkni. 

Á Siglufirði fer starfið fram í Skálarhlíð og í íþróttamiðstöð þar sem boðið er upp á lokaða tíma í rækt, boccia og vatnsleikfimi.

Í Ólafsfirði verður starfsemi í Hornbrekku og er dagskrá í boði fimm virka daga.

Eftir sem áður verður íþróttastarf; lokaðir tímar í rækt, stólaleikfimi, boccia, ganga og vatnsleikfimi í íþróttamiðstöðinni í Ólafsfirði.

 Akstursþjónuta er í boði samkvæmt mati félagsþjónustu.

Dagdvöl aldraðra

Dagdvöl aldraðra er starfrækt í Skálarhlíð á Siglufirði og á Hornbrekku á Ólafsfirði.

Dagdvöl er stuðningsúrræði við þá sem að staðaldri þurfa eftirlit og umsjá til að geta búið áfram heima. Í dagdvöl aldraðra er veitt hjúkrunarþjónusta og aðstaða til þjálfunar og læknisþjónustu. Boðið er upp á flutningsþjónustu að og frá heimili einstaklingsins, þjálfun, tómstundaiðju, félagslegan stuðning, fræðslu, ráðgjöf og aðstoð við athafnir daglegs lífs.

Í tengslum við dagdvöl er einnig starfrækt félagsstarf fyrir aldraða þar sem boðið er upp á félagsskap, næringu, hreyfingu, tómstundaiðju og skemmtun.

Greitt er fyrir þjónustu samkvæmt gjaldskrá.

Nánari upplýsingar veita:
Helga Hermannsdóttir, Skálarhlíð, í síma 467-1147 og 898-1147
Birna Sigurveig Björnsdóttir, Hjúkrunarforstjóri og forstöðumaður Hornbrekku, í síma 466-4060 og 663-5299

Hátindur 60+

Á heimasíðu Hátinds 60+ er einnig að finna upplýsingar um afþreyingu og félagsstarf 60 ára og eldri.  Verið velkomin að kíkja við þar með því að klikka á myndina hér fyrir neðan.