Snjómokstur og hálkueyðing. Markmið með snjómokstri og hálkueyðingu er að minnka þau óþægindi sem snjór og ís valda einstaklingum, fyrirtækjum og skólahaldi.
Framkvæmdaaðili snjómoksturs sveitarfélagsins er bæjarverkstjóri sem skipuleggur hann í samráði við deildarstjóra tæknideildar.
Vegagerðin er veghaldari utan þéttbýlis og sér um að ráða verktaka til að sinna snjómokstri á vegum þar. Í vissum tilfellum deila sveitarfélagið og Vegagerðin með sér kostnaði af snjómokstri á vegum utan þéttbýlis. Bæjarverkstjórar hafa samband við Vegagerðina þegar ástæða er til vegna snjómoksturs utan þéttbýlis.
Ábendingar skulu berast þjónustumiðstöð, síminn á Siglufirði 464-9140 í Ólafsfirði 466-2460. Beint númer bæjarverkstjóra er 893-1467
Forgangasröðun snjómoksturs
Mokstur hefst á forgangi 1 eða rauðum götum. Í forgangi 1 felst að gera fært um helstu leiðir í þéttbýliskjörnunum. Stefnt skal að því að fært sé eftir rauðum götum kl. 8:00 á virkum dögum, þannig að fært sé að skólum leikskólum, slökkviliðsstöðvum, heilbrigðisstofnunum, niður að höfn, og ákveðinn öryggishring sem nýtist flestum bæjarbúum.
Götur í forgangi 2, grænar götur, eru næstar í röðinni og að lokum verða götur í forgangi 3, gular götur, mokaðar.
Verklok á þessum tveimur verkþáttum er óviss og hafa bæjarverkstjórar frjálsræði í hvaða röð göturnar eru mokaðar.
Göngustígar og plön, blálituð á korti, eru mokuð samkvæmt ákvörðun bæjarverkstjóra og skal hann hafa að leiðarljósi þörfina á mokstri á viðkomandi stöðum.
Samhliða snjómokstri eru almenningsbílastæði í miðbænum mokuð enda gerð þeirra kostuð af sveitarfélaginu.
Plön og heimkeyrslur við íbúðarhús og fyrirtæki eru ekki mokuð á kostnað sveitarfélagsins.
Mokstur vegna öryrkja er við sérstakar aðstæður framkvæmdur samkvæmt beiðni félagsþjónustunnar
Snjómokstur - Forgangsröðun á Siglufirði
Snjómokstur - Forgangsröðun í Ólafsfirði
Reglur um snjómokstur í Fjallabyggð
