Bæjarráð Fjallabyggðar

Með fundarboði bæjarráðs fylgdu minnisblöð og samantektir Náttúruhamfaratrygginga Íslands vegna tjónstilkynningar Fjallabyggðar til NTÍ.

Fyrir liggur umsögn markaðs- og menningarnefndar vegna umsókna um styrki til reksturs safna og setra 2025.

Fyrir liggur umsögn markaðs- og menningarnefndar vegna umsókna um styrki til hátíðarhalda og stærri verkefna 2025.

Með fundarboði bæjarráðs fylgdu tillögur markaðs- og menningarnefndar um úthlutun styrkja til menningarmála árið 2025.

Deildarstjóri tæknideildar hefur sagt starfi sínu lausu. Með fundarboði bæjarráðs fylgdu drög að starfsauglýsingu.

Með fundarboði bæjarráðs fylgdi umsókn Fjallabyggðar um endurnýjun skráningar á flugvellinum á Siglufirði. Samkvæmt henni þarf bæjarráð að samþykkja umsóknina með umsögn.

Á 250. fundi bæjarstjórnar var fjárhagsáætlun 2025-2028 samþykkt í fyrri umræðu og vísað til bæjarráðs til frekari undirbúnings fyrir seinni umræðu í bæjarstjórn.
Með fundarboði bæjarráðs fylgdi fjárhagsáætlun og fjárfestingaáætlun með fram komnum breytingatillögum.

Tekin fyrir tillaga um álagningarprósentu útsvars fyrir árið 2025.

Með fundarboði bæjarráðs fylgdi yfirlit launakostnaðar og kostnaðar vegna langtímaveikinda fyrir janúar-nóvember 2024, lagt fram til kynningar. Áfallinn launakostnaður er 98,49% af tímabilsáætlun.

Með fundarboði bæjarráðs fylgdi yfirlit staðgreiðslu fyrir nóvember 2024. Staðgreiðsla fyrir tímabilið nemur kr. 137.240.741,- eða 100,37% af tímabilsáætlun 2024. Íbúum bæjarfélagsins hefur fjölgað um 3 á árinu.

Á 852. fundi sínum samþykkti bæjarráð tillögu deildarstjóra stjórnsýslu- og fjármáladeildar og deildarstjóra fræðslu-, frístunda- og menningarmála um að tilboðum Lavar ehf. í ræstingar verði tekið og gerður verði þriggja ára samningur með möguleika á framlengingu til eins árs að hámarki tvisvar.

Um er að ræða ræstingu á eftirtöldum stofnunum og starfsstöðvum:
Ræstingu í Ráðhúsi Fjallabyggðar, ræstingu á starfstöð Grunnskóla Fjallabyggðar við Norðurgötu og ræstingu á Leikskálum Siglufirði.

Með fundarboði bæjarráðs fylgdu drög að verksamningum við Lavar ehf., sem lagðir eru fram til staðfestingar.

Með fundarboði bæjarráðs fylgdu drög að samningi við Sjóva um vátryggingar sveitarfélagsins 2025-2027.

Á 854. fundi bæjarráðs var deildarstjóra stjórnsýslu og fjármála falið að útbúa viðauka við fjárhagsáætlun 2024 vegna kostnaðarauka í tengslum við yfirstandandi framkvæmdir í Skarðsdsal.
Með fundarboði bæjarráðs fylgdi útfærður viðauki nr. 5 við fjárhagsáætlun 2024. Viðaukinn felur í sér tilfærslu á fjárfestingaramma Íbúðasjóðs (til lækkunar) og Eignasjóðs (til hækkunar).

Með fundarboði bæjarráðs fylgdi rekstraryfirlit málaflokka A- og B-hluta til og með 31. október 2024.

Með fundarboði bæjarráðs fylgdu drög að Samningi um rekstur uppbyggingu skíðasvæðis í Tindaöxl og Bárubraut 2025-2028.

Með fundarboði bæjarráðs fylgdu drög að samstarfssamningi vegna reksturs og framkvæmda á Skeggjabrekkuvelli 2025-2028.

Með fundarboði bæjarráðs fylgdi umbeðin úttektarskýrsla AVH á sundlauginni á Siglufirði.

Á 250. fundi bæjarstjórnar var bæjarráði falin heimild til að fullnaðarafgreiða þríhliða samkomulag milli aðila máls um leigu og rekstur skíðasvæðisins í Skarðsdal.

Með fundarboði bæjarráðs fylgdu uppfærð drög að þríhliða samkomulagi milli Leyningsáss ses., Fjallabyggðar og L-7 verktaka ehf., um leigu og rekstur skíðasvæðisins í Skarðsdal, þar sem hið síðastnefnda félag mun taka að sér rekstur skíðasvæðisins til 1. júní 2025.

Með fundarboði bæjarráðs fylgdu innkomnar ábendingar og tillögur íbúa vegna fjárhagsáætlunar 2025.

Með fundarboði bæjarráðs fylgdi fundargerð 8. verkfundar L-7 ehf. og Leyningsáss.

Með fundarboði bæjarráðs fylgdu fundargerðir 41. fundar Ungmennaráðs Fjallabyggðar, 43. fundar undirkjörstjórnar á Siglufirði og 113. fundar markaðs- og menningarnefndar.