Ósk um fjárstuðning

Bæjarráð þakkar formanni stjórnar Leyningsáss fyrir erindið og lýsir sig reiðubúið til viðræðna við Leyningsás. Bæjarstjóra falið að fara þess á leit við formann stjórnar félagsins að fyrir komandi mánaðarmót verði komið á fundi stofnenda sjálfeignarstofnunarinnar þar sem þau atriði sem koma fram í erindi félagsins yrðu rædd nánar.

Bæjarráð þakkar stjórnarformanni Leyningsáss fyrir komuna á fundinn og tekur undir þær áhyggjur að mikilvægt sé að bregðast við ástandinu á skíðasvæðinu. Bæjarráð lýsir sig reiðubúið til viðræðna við Leyningsás þar sem áhersla yrði á aðgerðir til þess að ræða hvernig hægt sé að leysa úr þeirri stöðu sem upp er komin á skíðasvæðinu. Bæjarráð samþykkir að skipa verkefnahóp sem sæi um viðræður við Leyningsás og skilaði tillögum til bæjarráðs innan tveggja vikna. Bæjarráð skipar eftirtalda aðila í hópinn: Guðjón M. Ólafsson, Tómas Atla Einarsson og Ármann Viðar Sigurðsson.

Bæjarráð ítrekar mikilvægi samtals og samráðs stofnendanna sjálfseignarstofnunarinnar og felur bæjarstjóra að óska eftir formlegri afstöðu Selvíkur til verkefnisins.

Bæjarráð þakkar verkefnahópnum fyrir vinnuna. Bæjarráð samþykkir tillögur verkefnahópsins sbr. vinnuskjalið og felur bæjarstjóra og formanni bæjarráðs að ræða við formann stjórnar Leyningsáss um næstu skref og leggja fyrir næsta bæjarráðsfund.

Lagt fram til kynningar.

Bæjarstjórn samþykkir að verða við beiðni stjórnar Leyningsáss ses. um fjárframlag til uppbyggingar og viðhalds vegna skíðasvæðisins í Skarðsdal skv. framlögðum gögnum og kostnaðaráætlun frá stjórn Leyningsáss ses. og verkefnahóps um málefni skíðasvæðisins í Skarðsdal, sem lögð var fram á 835. fundi bæjarráðs Fjallabyggðar.

Fjallabyggð mun greiða skv. framlögðum og samþykktum framvindureikningum af stjórn Leyningsáss. Bæjarstjórn mælist til að stjórn Leyningsás vinni áfram náið með verkefnahópi um málefni skíðasvæðisins í Skarðsdal, hvað varðar framkvæmdir og framvindu verkefnisins.

Framkvæmdin er í umsjón stjórnar Leyningsás og áætlaður verktími er í sumar og fram á haust. Ráðinn verður verktaki/verkefnastjóri, af Leyningsási ses., sem mun hafa yfirumsjón með framkvæmdunum.

Samþykkt með 7 atkvæðum.