Ósk um fjárstuðning

Með fundarboði bæjarráðs fylgdi erindi formanns stjórnar Leyningsáss ses. ásamt fylgiskjölum, þar sem óskað er eftir auknum fjárstuðningi til stofnunarinnar vegna reksturs skíðasvæðisins í Skarðsdal. Að auki er óskað eftir því að settir verði fjármunir í þær framkvæmdir sem þarf að klára til að klára flutning á lyftum, reisa skála og hafa skíðasvæðið í lagi.

Á fundi bæjarráðs þann 17. maí síðastliðinn var tekið fyrir erindi formanns stjórnar Leyningsáss ses þar sem óskað var eftir auknum fjárstuðningi til stofnunarinnar vegna reksturs skíðasvæðisins í Skarðsdal. Að auki var óskað eftir því að settir verði fjármunir í þær framkvæmdir sem ráðast þarf í til að klára flutning á lyftum, reisa skála og hafa skíðasvæðið í lagi. Þar sem ekki tókst að koma á fundi stofnenda stofnunarinnar þá óskaði bæjarráð eftir að formaður stjórnar Leyningsáss kæmi á fund bæjarráðs til þess að fara yfir þá stöðu sem upp er komin á skíðasvæðinu í Skarðsdal. Á fundinn mætti Kolbeinn Óttarsson Proppé stjórnarformaður Leyningsáss ses.

Lagt fram vinnuskjal frá verkefnahóp varðandi málefni skíðasvæðisins í Skarðsdal.

Málið tekið fyrir og farið yfir fund fulltrúa sveitarfélagsins með stjórnarformanni Leyningsáss líkt og lagt var fyrir á síðasta fundi bæjarráðs.

Lagt fram erindi frá Leyningsás um fjárstuðning vegna framkvæmda við skíðasvæðið í Skarðdal ásamt vinnuskjali verkefnahóps um skíðasvæðið.

Til máls tóku: Guðjón M. Ólafsson, Arnar Þór Stefánsson, Tómas Atli Einarsson, Þorgeir Bjarnarson og S. Guðrún Hauksdóttir.

Með fundarboði bæjarráðs fylgdi erindi Kolbeins Proppé, f.h. stjórnar Leyningsáss ses. þar sem óskað er eftir afstöðu bæjarins til þess hvort auka eigi framlög til reksturs skíðasvæðisins.

Með fundarboði bæjarráðs fylgir erindi frá Kolbeini Proppé, f.h. stjórnar Leyningsáss ses. er varðar m.a samninga um rekstur skíðasvæðisins í Skarðsdal veturinn 2024-2025.

Til fundarins mættu fulltrúar stjórnar Leyningsáss ses þeir Kolbeinn Óttarsson Proppé stjórnarformaður og Einar Hrafn Hjálmarsson meðstjórnandi m.a. til að fara yfir starfsemi og framtíðarfyrirkomulag Leyningsáss ses. Einnig var farið yfir framkvæmdir í Skarðsdal.

Með fundarboði bæjarráðs fylgdu drög að þríhliða samkomulagi milli Leyningsáss ses., Fjallabyggðar og L-7 verktaka ehf., um leigu og rekstur skíðasvæðisins í Skarðsdal, þar sem hið síðastnefnda félag mun taka að sér rekstur skíðasvæðisins til 1. júní 2025.

Á 250. fundi bæjarstjórnar var bæjarráði falin heimild til að fullnaðarafgreiða þríhliða samkomulag milli aðila máls um leigu og rekstur skíðasvæðisins í Skarðsdal.

Með fundarboði bæjarráðs fylgdu uppfærð drög að þríhliða samkomulagi milli Leyningsáss ses., Fjallabyggðar og L-7 verktaka ehf., um leigu og rekstur skíðasvæðisins í Skarðsdal, þar sem hið síðastnefnda félag mun taka að sér rekstur skíðasvæðisins til 1. júní 2025.

Á 250. fundi bæjarstjórnar var bæjarráði falin heimild til að fullnaðarafgreiða þríhliða samkomulag milli aðila máls um leigu og rekstur skíðasvæðisins í Skarðsdal. Með fundarboði bæjarráðs fylgdu uppfærð drög að þríhliða samkomulagi milli Leyningsáss ses., Fjallabyggðar og L-7 verktaka ehf., um leigu og rekstur skíðasvæðisins í Skarðsdal, þar sem hið síðastnefnda félag mun taka að sér rekstur skíðasvæðisins til 1. júní 2025.

Bæjarráð ákvað, í samræmi við ákvörðun 250. fundar bæjarstjórnar Fjallabyggðar að samþykkja samningsdrögin og fól bæjarstjóra að undirrita samninginn fyrir hönd sveitarfélagsins.

Með fundarboði bæjarstjórnar fylgdi bókun stjórnar Leyningsáss ses. frá 11.12.2024 um samning um leigu og rekstur skíðasvæðisins í Skarðsdal á Siglufirði.

"Leyningsás samþykkir samninginn fyrir sitt leyti en treystir á að þær skyldur sem settar eru á hendur Leyningsás varandi m.a. tryggingar og viðhald, sem Leyningsá getur ekki uppfyllt að svo stöddu, leysist farsællega í viðræðum Leyningsás og Sveitarfélagsins sbr. bókun bæjarráðs um skipun viðræðuhóps um framtíðarfyrirkomulag sem lokið skal fyrir 1. febrúar 2025."

Samþykkir voru: Kolbeinn Óttarsson Proppé (formaður), Einar Hrafn Hjálmarsson og Brynjar Guðmundsson. Sigríður Ingvarsdóttir greiddi ekki atkvæði, þar sem hún situr starfa sinna vegna hjá bænum beggja megin borðsins, og Tómas Atli Einarsson hefur ekki atkvæðisrétt sem áheyrnarfulltrúi.

Guðjón M. Ólafsson og S. Guðrún Hauksdóttir tóku til máls.