Bæjarráð Fjallabyggðar

Með fundarboði bæjarráðs fylgdu drög að þríhliða samkomulagi milli Leyningsáss ses., Fjallabyggðar og L-7 verktaka ehf., um leigu og rekstur skíðasvæðisins í Skarðsdal, þar sem hið síðastnefnda félag mun taka að sér rekstur skíðasvæðisins til 1. júní 2025.

Á 851. fundi bæjarráðs var samþykkt að vísa fyrirliggjandi tillögu að fjárhagsáætlun Fjallabyggðar 2025 til úrvinnslu nefnda sveitarfélagsins. Bæjarráð beindi því til deildarstjóra og formanna nefnda að vinnu nefndanna verði lokið fyrir 22. nóvember og þeim skilað fyrir þann tíma til bæjarráðs.

Með fundarboði bæjarráðs fylgdi fjárhagsáætlun Fjallabyggðar fyrir árin 2025-2028.

Á 852. fundi bæjarráðs var tillögum að gjaldskrám fyrir árið 2025 vísað til umfjöllunar í fastanefndum. Gjaldskrár hafa verið teknar til umfjöllunar í nefndum og eru þær nú lagðar fyrir bæjarráð að nýju. Gjaldskrár og þjónustugjöld hækka að jafnaði um 6% frá 1. janúar. Gjaldskrár sem tengjast barnafjölskyldum og fólki í viðkvæmri stöðu hækka að jafnaði um 3,5%.

Með fundarboði bæjarráðs fylgdu tillögur að álagningarreglum fasteignagjalda 2025 ásamt reglum um afslátt af fasteignaskatti. Í tillögunum er lagt til að sorphirðugjald hækki úr kr. 73.700 í kr. 95.000. Tekjumörk fyrir afslætti hækka í samræmi við launavísitölu og hámarks afsláttur af fasteignaskatti hækki úr kr. 90.000 í kr. 100.000.

Með fundarboði bæjarráðs fylgdi erindi Einars Hrafns Hjálmarssonar, stjórnarmanns Leyningsáss ses. þar sem óskað er eftir auknu fjármagni til lúkningar framkvæmda í Skarðsdal.

Með fundarboði bæjarráðs fylgdi minnisblað tæknideildar þar sem upplýst er um tafir á framvindu verkefna á vegum Bás ehf. vegna veðuraðstæðna og annarra þátta.

Á 848. fundi bæjarráðs var tekið fyrir erindi Helga Jóhannssonar, bæjarfulltrúa H-listans um matvöruverslanir í Fjallabyggð. Bæjarráð fól bæjarstjóra að kalla eftir svörum frá Samkaup um framtíðaráform fyrirtækisins og leggja fyrir bæjarráð.
Með fundarboði bæjarráðs fylgdi svar Gunnar Lífar Gunnarsdóttur, framkvæmdastjóra verslunar- og mannauðssviðs Samkaupa.

Með fundarboði bæjarráðs fylgdu fundargerðir 316. fundar skipulags- og umhverfisnefndar, 148. fundar Hafnarstjórnar, 112. fundar markaðs- og menningarnefndar og 62. fundar yfirkjörstjórnar Fjallabyggðar.
Fundargerðirnar eru lagðar fram til kynningar.