Bæjarráð Fjallabyggðar

Hjörtur Hjartarson, deildarstjóri félagsmáladeildar mætti til fundarins og fór yfir stöðu mála á félagsmáladeild.

Með fundarboði bæjarráðs fylgdi minnisblað deildarstjóra tæknideildar þar sem óskað er eftir heimild bæjarráðs til þess að bjóða út síðustu sameiningu íbúða á þriðju hæð í Skálarhlíð. Samhliða verður boðin út endurgerð íbúðar 203 sem varð fyrir altjóni vegna leka.

Með fundarboði bæjarráðs fylgdi yfirlit launakostnaðar og kostnaðar vegna langtímaveikinda fyrir janúar-júlí 2024 lagt fram til kynningar. Áfallinn launakostnaður er 98,01% af tímabilsáætlun.

Með fundarboði bæjarráðs fylgdi yfirlit staðgreiðslu fyrir júlí 2024. Staðgreiðsla fyrir tímabilið nemur kr. 140.635.264,- eða 109,28% af tímabilsáætlun 2024. Íbúum bæjarfélagsins hefur fjölgað um 21 á árinu.

Farið yfir styrkveitingar bæjarsjóðs sem taka þarf tillit til við gerð fjárhagsáætlunar 2025.

Óskað er eftir heimild til að endurnýja samning til tveggja ára við Sálfræðiþjónustu Norðurlands um sálfræðiþjónustu fyrir leik- og grunnskóla.

Með fundarboði bæjarráðs fylgdi minnisblað deildarstjóra fræðslu-, frístunda- og menningarmáladeildar um samstarf við íþróttafélög og fyrirkomulag frístundar og lengdrar viðveru 2024-2025.

Á 836.fundi sínum fól bæjarráð deildarstjóra fræðslu-, frístunda og menningarmáladeildar að fylgja eftir ábendingum KF og athuga hvort uppfæra þurfi tækjakost til þess að takast á við ástandið á Ólafsfjarðarvelli.
Með fundarboði bæjarráðs fylgdu vinnupunktar deildarstjóra fræðslu-, frístunda- og menningarmála um samskipti við fulltrúa KF og vinnslu máls.

Í ljósi uppsagnar skipulagsfulltrúa leggur deildarstjóri tæknideildar til að staða skipulagsfulltrúa verði breytt og auglýst sem staða verkefnastjóra á tæknideild. Hið nýja starf mun ekki fela í sér breytingar á samþykktri launaáætlun.

Starfshópur um úrgangsmál í Fjallabyggð hefur fyrir sitt leyti samþykkt tilboð frá Íslenska gámafélaginu ehf. um kaup Fjallabyggðar á sorpílátum í sveitarfélaginu. Tilboðið miðast við einingarverð pr. tunnu samkvæmt talningu sem framkvæmd var vorið 2024.
Með fundarboði bæjarráðs fylgdi tilboð Íslenska gámafélagsins.

Með fundarboði bæjarráðs fylgdi erindi Kolbeins Proppé, f.h. stjórnar Leyningsáss ses. þar sem óskað er eftir afstöðu bæjarins til þess hvort auka eigi framlög til reksturs skíðasvæðisins.

Lagt fram erindi dagsett 12.08.2024 þar sem Guðmundur Örn Magnússon sækir um einbýlishúsalóð nr. 83 við Suðurgötu á Siglufirði. Umsóknin var samþykkt á 313. fundi skipulags- og umhverfisnefndar og vísað til afgreiðslu bæjarráðs.

Lagt fram erindi dagsett 17.07.2024 þar sem Ölfushúss ehf. sækir um frístundalóð nr. 8 við Sólarstíg á Siglufirði. Umsóknin var samþykkt á 313. fundi skipulags- og umhverfisnefndar og vísað til afgreiðslu bæjarráðs.

Lagt fram erindi dagsett 17.07.2024 þar sem Ölfushúss ehf. sækir um frístundalóð nr. 6 við Sólarstíg á Siglufirði. Umsóknin var samþykkt á 313. fundi skipulags- og umhverfisnefndar og vísað til afgreiðslu bæjarráðs.

Lagt fram erindi dagsett 17.07.2024 þar sem Ölfushúss ehf. sækir um frístundalóð nr. 7 við Sólarstíg á Siglufirði. Umsóknin var samþykkt á 313. fundi skipulags- og umhverfisnefndar og vísað til afgreiðslu bæjarráðs.

Lagt fram erindi dagsett 17.07.2024 þar sem Ölfushúss ehf. sækir um frístundalóð nr. 5 við Sólarstíg á Siglufirði. Umsóknin var samþykkt á 313. fundi skipulags- og umhverfisnefndar og vísað til afgreiðslu bæjarráðs.

Lagt fram erindi dagsett 17.07.2024 þar sem E. Alfreðsson slf. sækir um frístundalóð nr. 6 við Skógarstíg á Siglufirði. Umsóknin var samþykkt á 313. fundi skipulags- og umhverfisnefndar og vísað til afgreiðslu bæjarráðs.