Ástand knattspyrnusvæða í Fjallabyggð

Bæjarráð tekur undir áhyggjur forsvarsmanna KF sem birst hafa í fjölmiðlum undanfarna daga, um ástand knattspyrnuvallarins í Ólafsfirði. Ljóst er að fyrir liggur aðgerðaáætlun og samningur um umhirðu vallarins og því óskar bæjarráð eftir greinargerð frá umsjónaraðilum vallarins um málið fyrir næsta fund sinn.

Bæjarráð þakkar Þorsteini Þorvaldssyni og Kristínu Margréti Halldórsdóttur fyrir innsend erindi. Nú þegar hefur starfshópur um fjárfestingar, framkvæmdir og viðhald ákveðið í samræmi við nýsamþykkta Stefnumótun og framtíðarsýn íþróttamála að setja nýjan knattspyrnuvöll í forhönnun.

Bæjarráð telur mikilvægt að í ljósi þess að nýr knattspyrnuvöllur í Ólafsfirði er enn þá á hönnunarstigi og ljóst að tíma mun taka að leysa varanleg vallarmál í Fjallabyggð, að unnið sé markvisst að því að koma núverandi velli í viðunandi horf. Bæjarráð óskar eftir að forsvarsmenn KF komi á fund á næsta fund bæjarráðs til þess að ræða næstu skref.

Bæjarráð þakkar fulltrúum Knattspyrnufélags Fjallabyggðar (KF) fyrir komuna á fundinn og góðar umræður á fundinum. Bæjarráð þakkar KF fyrir góð svör varðandi þær aðgerðir sem ráðist hefur verið í til þess að takast á við ástandið á Ólafsfjarðarvelli. Deildarstjóra fræðslu-, frístunda- og menningarmála falið að fylgja málinu eftir, athuga hvort uppfæra þurfi tækjakost og leggja tillögu fyrir bæjarráð.