Bæjarráð Fjallabyggðar

Bæjarráð þakkar deildarstjóra félagsmáladeildar fyrir minnisblaðið og komuna á fundinn og yfirferð á verkefnum deildarinnar.

Bæjarráð samþykkir fyrir sitt leyti að leitað verði til Gæða og eftirlitsstofnunar vegna innra mats en áætlaður kostnaður við verkefnið er 2 milljónir.

Bæjarráð veitir einnig heimild fyrir að rætt verði við HMS um möguleg skipti á íbúðum á milli Fjallabyggðar og HMS í nýjum húsum við Vallarbraut.

Bæjarráð þakkar deildarstjóra tæknideildar fyrir komuna á fundinn og yfirferð á verkefnum deildarinnar.

Bæjarráð þakkar þeim sem tóku þátt í tilraunaútboðinu en í ljósi þess að markmiðum rammasamningsútboðanna var ekki náð þá samþykkir ráðið að hætta við útboð á tímavinnu iðnaðarmanna.

Bæjarráð samþykkir þátttöku Fjallabyggðar og felur deildarstjóra fræðslu-, frístunda- og menningarmála að ræða við Dalvíkurbyggð og afgreiða fyrir hönd Fjallabyggðar.

Bæjarráð veitir bæjarstjóra heimild til þess að selja núverandi bifreið ásamt því að ganga frá kaupum á bifreið sem kæmi í stað hennar inn í akstursþjónustu Fjallabyggðar, svo framarlega að takist að selja núverandi bifreið.

Bæjarráð þakkar verkefnahópnum fyrir vinnuna. Bæjarráð samþykkir tillögur verkefnahópsins sbr. vinnuskjalið og felur bæjarstjóra og formanni bæjarráðs að ræða við formann stjórnar Leyningsáss um næstu skref og leggja fyrir næsta bæjarráðsfund.

Bæjarráð þakkar Hestamannafélaginu Glæsi fyrir erindið og felur bæjarstjóra og formanni bæjarráðs að ræða við forsvarsmenn félagsins. Þá telur bæjarráð mikilvægt að uppbygging aðstöðu fyrir hestamenn verði tekið inn í ferlið í kringum Stefnumótun og framtíðarsýn íþróttamála í Fjallabyggð.

Bæjarráð þakkar fulltrúum sóknarnefndar Ólafsfjarðarkirkju fyrir erindið. Bæjarráð vill koma á framfæri að bæjarráð getur ekki breytt ákvörðunum bæjarstjórnar. Bæjarstjórn tók formlega ákvörðun um staðarval vegna nýs kirkjugarðs í Ólafsfirði að undangenginni ráðgefandi atkvæðagreiðslu íbúa í Ólafsfirði. Bæjarráð vísar því erindinu til umræðu í bæjarstjórn.

Bæjarráð samþykkir að fela deildarstjóra fræðslu-, frístunda og menningarmála að útbúa ný drög að samningi við Golfklúbb Fjallabyggðar þar sem greiðsluröð vegna endurbóta á golfvellinum við Skeggjabrekku yrði hraðað úr 6 árum í 2-3 ár. Bæjarráð felur bæjarstjóra að gera að tillögu að almennu ferli sem viðhaft yrði vegna kerfisbundinnar endurskoðunar á Stefnumótun og framtíðarsýn íþróttamála í Fjallabyggð.

Bæjarráð telur mikilvægt að í ljósi þess að nýr knattspyrnuvöllur í Ólafsfirði er enn þá á hönnunarstigi og ljóst að tíma mun taka að leysa varanleg vallarmál í Fjallabyggð, að unnið sé markvisst að því að koma núverandi velli í viðunandi horf. Bæjarráð óskar eftir að forsvarsmenn KF komi á fund á næsta fund bæjarráðs til þess að ræða næstu skref.

Bæjarráð tekur vel í hugmynd Flugklasans um að sameiginlegur fundur verði haldinn í lok sumars og mun senda fulltrúa sinn á fundinn verði til hans boðað.

Lagt fram til kynningar.

Lagt fram til kynningar.

Bæjarráð samþykkir hlutafjáraukninguna fyrir sitt leyti en hlutur Fjallabyggðar í aukningunni er 1.451 kr.

Lagt fram til kynningar.