Innheimta skólagjalda hjá TÁT

Lagt fram erindi frá Dalvíkurbyggð varðandi innheimtu skólagjalda hjá Tónlistarskólanum á Tröllaskaga, TÁT. Lagt er til að sett verði upp stafræn vefumsókn með beintengingu við sveitargáttina hjá Dalvíkurbyggð í stað þess að innheimta gjöld í gegnum Sportabler eins og nú er gert.

Með fundarboði bæjarráðs fylgdi afgreiðsla 1114. fundar byggðaráðs Dalvíkurbyggðar frá 4. júlí sl. þar sem samþykkt var að leggja til við bæjarráð Fjallabyggðar að kostnaði vegna uppsetningar á vefumsóknarlausn vegna Tónlistarskólans á Tröllaskaga skiptist í samræmi við samstarfssamning sveitarfélaganna um rekstur skólans.