Bæjarráð Fjallabyggðar

Með fundarboði bæjarráðs fylgdi yfirlit staðgreiðslu fyrir júní 2024. Staðgreiðsla fyrir tímabilið nemur kr. 135.785.000,- eða 93,79% af tímabilsáætlun 2024. Íbúum bæjarfélagsins hefur fjölgað um 18 á árinu.

Niðurstaða færð í trúnaðarbók.

Með fundarboði bæjarráðs fylgdu drög að samningi við Suðurleiðir ehf. um skóla- og frístundaakstur 2024-2027.

Með fundarboði bæjarráðs fylgdu drög að samningi við Höllina veitingahús ehf. um skólamáltíðir fyrir Grunnskóla Fjallabyggðar 2024-2027.

Mánudaginn 15. júlí 2024, voru opnuð tilboð í ræstingu í Leikskóla Fjallabyggðar, Leikhóla á Ólafsfirði fyrir árin 2024-2027.
Eitt tilboð barst frá Kristalhreint ehf.
Með fundarboði bæjarráðs fylgdi móttekið tilboð ásamt vinnuskjölum deildarstjóra fræðslu-, frístunda- og menningarmáladeildar.

Með fundarboði bæjarráðs fylgdu drög að samningi við Hestamannafélagið Glæsi um uppbyggingu aðstöðu hestamannafélagsins í samræmi við stefnumótun og framtíðarsýn íþróttamála í Fjallabyggð.

Með fundarboði bæjarráðs fylgdi minnisblað bæjarstjóra og deildarstjóra tæknideildar varðandi vatnsveitu á Siglufirði.

Tilboð voru opnuð í áfanga 2. á göngu og hjólastíg við þjóðveginn í þéttbýli, í gegnum Ólafsfjörð, þriðjudaginn 23 júlí. Eftirfarandi tilboð bárust:
- Bás ehf 65.152.076
- Smárinn vélaverktaki ehf 65.537.150
- Sölvi Sölvason 78.833.447
- Kostnaðaráætlun 77.300.000
Deildarstjóri tæknideildar leggur til við bæjarráð að tilboði lægstbjóðanda verði tekið.

Með fundarboði bæjarráðs fylgdi erindi Helga Jóhannssonar varðandi vandamál með bleytu á tjaldsvæðinu í Ólafsfirði og mögulegar úrbætur.

Með fundarboði bæjarráðs fylgdi afgreiðsla 1114. fundar byggðaráðs Dalvíkurbyggðar frá 4. júlí sl. þar sem samþykkt var að leggja til við bæjarráð Fjallabyggðar að kostnaði vegna uppsetningar á vefumsóknarlausn vegna Tónlistarskólans á Tröllaskaga skiptist í samræmi við samstarfssamning sveitarfélaganna um rekstur skólans.

Lagt fram erindi frá Skógræktarfélagi Siglufjarðar vegna óskar um lengingu á ráðningu starfskrafts í skógræktinni.

Með fundarboði bæjarráðs fylgdi minnisblað sambands íslenskra sveitarfélaga frá 4. júlí sl. varðandi samþykkt frumvarp til laga um breytingu á lögum um tekjustofna sveitarfélaga sem snýr einkum að gjaldfrjálsum skólamáltíðum í grunnskólum landsins. Lögin má rekja til sameiginlegrar yfirlýsingar ríkisstjórnarinnar og Sambands íslenskra sveitarfélaga frá 7. mars sl. sem hafði það að markmiði að greiða fyrir langtímakjarasamninga á vinnumarkaði.

Hagstofa Íslands birti nýja þjóðhagsspá sína þann 28. júní sl. þar sem farið var yfir efnahagshorfur til næstu ára. Við fjárhagsáætlanagerð sveitarfélaga er oft stuðst við þjóðhagsspá Hagstofu og hefur samband íslenskra sveitarfélaga útbúið minnisblað þar sem farið er yfir helstu þætti sem fram koma í framangreindri þjóðhagsspá.

Niðurstaða færð í trúnaðarbók.