Viðhaldsmál Íþróttamiðstöðvar Siglufirði

Bæjarráð þakkar forstöðumanni Íþróttamiðstöðva Fjallabyggðar fyrir komuna á fundinn og fyrir greinargóða skýrslu um ástand íþróttamiðstöðvarinnar á Siglufirði. Málinu vísað til tæknideildar og deildinni falið að fá utanaðkomandi úttektaraðila til þess að leggja fyrir bæjarráð kostnaðar- og aðgerðaáætlun á t.d. ástandi þaks, lagnakjallara, raflagna, brunavarna og annarra brýnna viðhaldsverkefna sbr. skýrslu forstöðumanns.
Bæjarráð beinir því til forstöðumanns að hefjast þegar handa við að lagfæra veggi og gólf í sturtuklefum, slípa gólf í kringum sundlaugarker og skipta út ljósum í sundlaug.

Skarphéðinn Þórsson, forstöðumaður íþróttamiðstöðvar, sat fundinn undir þessum dagskrárlið.
Forstöðumaður fór yfir greinargerð sína um viðhaldsþörf íþróttamiðstöðvarinnar á Siglufirði og hugmyndir um framtíðarlausn í húsnæðismálum. Forstöðumaður fór yfir sömu greinargerð með Bæjarráði Fjallabyggðar í lok ágúst. Fræðslu- og frístundanefnd þakkar forstöðumanni fyrir mjög góða greinargerð og kynningu sína.