Fréttir

Kiwanisklúbburinn Skjöldur býður eldri borgurum í Fjallabyggð til grillveislu í skógræktinni á Siglufirði kl. 13:00 laugardaginn 15. ágúst n.k. Grillað verður í Stórarjóðri við árbakkann syðst í skóginum.

Innritun í Tónskóla Fjallabyggðar fer fram dagana 17. - 28. ágúst, alla virka daga frá kl. 09:00 – 15:00.

Í sumar hafa samgöngur á milli byggðarkjarna að mestu verið í tengslum við íþrótta– og knattspyrnuskóla KF en almenningi hefur verið frjálst að nýta sér allar ferðir gegn vægu gjaldi.

Æskulýðsnefnd Hestamannafélagsins Gnýfara í Ólafsfirði stendur fyrir reiðnámskeið í Ólafsfirði sem hefst sunnudaginn 16. ágúst næstkomandi. Námskeiðið er fyrir börn og unglinga frá fimm ára aldri.

Nú styttist í síðustu hátíð sumarsins í Fjallabyggð en listahátíðin Berjadagar hefst á fimmtudaginn, 13. ágúst. Listahátíðin Berjadagar 2015 verður í grunninn með öðru sniði en vanalega því lokakvöldið er að þessu sinni leikhússsýning Guðmundar Ólafssonar þar sem nýtt verk hans lítur dagsins ljós í fyrsta skipti í Ólafsfirði, verkið Annar tenór – en samt sá sami.

Sigurjón Jóhannsson, myndlistamaður, verður með sölusýningu á verkum sýnum í Ráðhúsi Fjallabyggðar um og yfir Verslunarmannahelgina. Sýningin opnar fimmtudaginn 30. júlí kl. 14:00 og er opin daglega frá kl. 14:00 - 18:00 til mánudagsins 3. ágúst.

Um hverja verslunarmannahelgi er þess minnst þegar Siglufjörður var síldarhöfuðstaður heimsins og þúsundir verkamanna og kvenna unnu við síldina og nokkurs konar gullgrafarastemming var ríkjandi í bænum. Íbúafjöldinn var eins og í stórborg, allstaðar líf og fjör. Þessa stemmingu er reynt að endurskapa hverja verslunarmannahelgi með virkri þátttöku heimamanna og gesta.

Félag í eigu Þrastar Þórhallssonar, fasteignasala og stórmeistara í skák hefur fest kaup á gamla gagnfræðaskólanum að Hlíðarvegi 18-20 Siglufirði. Þröstur ætlar að breyta gamla skólahúsnæðinu í íbúðarhús.

Eftirtaldir viðburðir verða á vegum Listhússins í Ólafsfirði næstu daga:

Ástþór Árnason verður með Súrrealíska myndlistarsýningu í Bláa húsinu á Rauðkutorgi dagana 27. júlí til 4. ágúst. Opnunartími: 12:00 - 17:00