Fréttir

Menningarminjadagar Evrópu á Síldarminjasafni Íslands 2015 Rafmagnið og síldin opnun nýrrar sýningar í Njarðarskemmu

Á dögunum barst fyrirspurn á Facebókarsíðu Fjallabyggðar þess efnis hvenær steypustöðin í Ólafsfirði, sem notuð var við gerð Héðinsfjarðarganga, og skemma sem þar stendur verði fjarlægt en lengi hefur staðið til að fjarlægja þessi mannvirki.

Þann 19. júní eru 100 ár frá því að íslenskar konur fengu kosningarétt. Af þessu tilefni verður dagskrá í Bókasafni Fjallabyggðar, Siglufirði og í Ráðhúsi Fjallabyggðar verður opnuð sýning á listaverkum eftir konur og tilheyra listaverkasafni Fjallabyggðar.

Í gær, 17. júní, opnaði Kolbrún Símonardóttir yfirlitssýningu á verkum sínum í Bláa húsinu á Rauðkutorgi.

Nú styttist í hina árlegu Blúshátíð. Einn af föstum liðum hennar er markaður við Menningarhúsið Tjarnarborg. Markaðurinn verður laugardaginn 27. júní milli kl. 14:00 - 16:00. Leiga á borði kostar 1.500 kr.

Þjóðhátíðardeginum 17. júní var fagnað í Fjallabyggð í gær í góðu veðri. Dagskráin hófst kl. 11:00 þegar nýstúdent Helga Eir Sigurðardóttir lagði blómsveig að minnisvarða Sr. Bjarna Þorsteinssonar.

Sunnudaginn 21. júní kl. 14:00 verða Melodic Objects með sýningu í Alþýðuhúsinu á Siglufirði. Hópurinn sérhæfir sig í joggling og öðrum töfrandi kúnstum. Sýning er fyrir allan aldur og allir velkomnir meðan húsrúm leyfir. Enginn aðgangseyrir en tekið á móti frjálsum framlögum.

Í Fjallabyggð verður hátíðardagskrá í tilefni þjóðhátíðardags Íslendinga, 17. júní, sem hér segir:

117. fundur bæjarstjórnar Fjallabyggðar verður haldinn í Menningarhúsinu Tjarnarborg Ólafsfirði 18. júní kl. 17.00

Af óviðráðanlegum orsökum hefur ekki verið hægt að tæma brúnu tunnuna, með lífrænum úrgangi, í þessari viku líkt og sorphirðudagatal gaf til kynna. Úr þessu verður bætt í dag, eftir hádegi, og á morgun laugardag.