Fréttir

Nú styttist í síðustu hátíð sumarsins í Fjallabyggð en listahátíðin Berjadagar hefst á fimmtudaginn, 13. ágúst. Listahátíðin Berjadagar 2015 verður í grunninn með öðru sniði en vanalega því lokakvöldið er að þessu sinni leikhússsýning Guðmundar Ólafssonar þar sem nýtt verk hans lítur dagsins ljós í fyrsta skipti í Ólafsfirði, verkið Annar tenór – en samt sá sami.

Sigurjón Jóhannsson, myndlistamaður, verður með sölusýningu á verkum sýnum í Ráðhúsi Fjallabyggðar um og yfir Verslunarmannahelgina. Sýningin opnar fimmtudaginn 30. júlí kl. 14:00 og er opin daglega frá kl. 14:00 - 18:00 til mánudagsins 3. ágúst.

Um hverja verslunarmannahelgi er þess minnst þegar Siglufjörður var síldarhöfuðstaður heimsins og þúsundir verkamanna og kvenna unnu við síldina og nokkurs konar gullgrafarastemming var ríkjandi í bænum. Íbúafjöldinn var eins og í stórborg, allstaðar líf og fjör. Þessa stemmingu er reynt að endurskapa hverja verslunarmannahelgi með virkri þátttöku heimamanna og gesta.

Félag í eigu Þrastar Þórhallssonar, fasteignasala og stórmeistara í skák hefur fest kaup á gamla gagnfræðaskólanum að Hlíðarvegi 18-20 Siglufirði. Þröstur ætlar að breyta gamla skólahúsnæðinu í íbúðarhús.

Eftirtaldir viðburðir verða á vegum Listhússins í Ólafsfirði næstu daga:

Ástþór Árnason verður með Súrrealíska myndlistarsýningu í Bláa húsinu á Rauðkutorgi dagana 27. júlí til 4. ágúst. Opnunartími: 12:00 - 17:00

Í gær settu starfsmenn Skiltagerðarinnar í Ólafsfirði upp nýtt upplýsinga- og götukort við innkomuna inn í Ólafsfjörð nánar tiltekið við útsýnisstaðinn gengt Brimnesi. Á kortinu má finna upplýsingar um helstu þjónustustaði í Ólafsfirði.

Í framhaldi af bókun bæjarráðs frá 26.05.2015 um húsnæðismál félgsmiðstöðvarinnar Neon, auglýsti Fjallabyggð eftir hentugu leiguhúsnæði fyrir starfsemina frá og með 1. september nk.

Á fundi bæjarráðs í gær, 14. júlí var lagt fram til kynningar svar Ofanflóðasjóðs, dagsett 4. júlí 2015, við erindi Fjallabyggðar um aðkomu sjóðsins að færslu á hluta skíðasvæðisins í Siglufirði þar sem skíðaskálinn og byrjendabrekkan eru, samkvæmt mati Veðurstofunnar, á hættusvæði. Í svari Ofnaflóðasjóðs kemur fram að sjóðurinn telur sig ekki hafa lagaheimild til þess og er vísað í 1.mgr. 13.gr. laga nr. 49/1997 um varnir gegn snjóflóðum og skriðuföllum.

Á fundi bæjarráðs í gær, 14. júlí, var tekið fyrir erindi frá Skógræktarfélagi Siglufjarðar og Skógræktarfélagi Íslands vegna formlegrar opnunar skógarins í Skarðdal á Siglufirði í tengslum við verkefnið "Opinn skógur".