Fréttir

Á fundi bæjarráðs í gær, 18. ágúst var lagt fram minnisblað markaðs- og menningarfulltrúa um notkun á almenningssamgöngum á milli byggðarkjarna í júlímánuði. Samtals voru farþegar 833 þar af 785 á vegum KF sem gerir þá 48 almennir farþegar.

Á fundi bæjarráðs í gær, þann 18. ágúst, voru tekin fyrir erindi skólastjóra Tónskóla Fjallabyggðar annars vegar og erindi skólastjóra Grunnskóla Fjallabyggðar hins vegar þar sem óskað var eftir hækkun á gjaldskrám.

Sigurhæð ses., félag áhugafólks um safnamenningu í Ólafsfirði hefur undirritað samning um kaup á húsinu við Strandgötu 4. Félagið fær strax afnot af helmingi neðri hæðar, 2/3 af vöruskemmu sem er norðan við húsið, alla efri hæðina og kjallara sem er undir öllu húsinu. Fyrstu hluti hússins var byggður rétt fyrir aldamótinn 1900 en aðalbyggingatími hússins var árið 1912. Húsið hefur gengt ýmsum hlutverkum í gegnum tíðina og nú síðast hefur verið rekin þar verslunin Valberg.

Um síðastliðnu helgi voru hinir árlegu Berjadagar haldnir í Ólafsfirði. Dagskráin hófst á fimmtudagkvöldið með tónleikum í Ólafsfjarðarkirkju en þar steig á svið Hanna Þóra Guðbrandsdóttir sópran ásamt Helgu Bryndísi Magnúsdóttur píanóleikara og fluttu þær fjölbreytta dagskrá eftir íslenska sem erlenda höfunda.

Í Listhúsinu Ólafsfirði dvelur nú kanadíski listamaðurinn Jennifer Globush. Hún óskar eftir liðssinni íbúa við gerð listaverks sem hún er að vinna að. Vill hún fá að taka myndir af íbúum sem hún hyggst svo setja saman í eina stóra teiknaða mynd. Þeir sem vilja leggja listamanninum lið geta kíkt við í Listhúsinu laugardaginn 22. ágúst milli kl. 13:00 og 15:00.

Á laugardaginn var eldri borgurum í Fjallabyggð boðið í grillveislu í Skógræktinni á Siglufirði sem Kiwanisklúbburinn Skjöldur stóð fyrir. Grilluð voru lambalæri og borið fram með tilheyrandi sósu, sallati og öðru meðlæti. Mikil ánægja var á meðal eldri borgara í Fjallabyggð með þetta framtak Kiwansklúbbsins Skjaldar og nutu allir þessarar frábæru máltíðar og samverustundar í dásamlegum skógarlundi Skógræktarfélags Siglufjarðar.

Á föstudaginn var haldið upp á 75 ára afmæli Skógræktarfélags Siglufjarðar og jafnframt var skógurinn formlega gerður að Opnum skógi. Markmiðið með verkefninu "Opinn skógur" er að opna skógræktarsvæði við alfaraleiðir, sem eru í umsjón skógræktarfélaga. Áhersla er lögð á að aðstaða og aðgengi verði til fyrirmyndar og á að miðla upplýsingum og fræðslu um lífríki, náttúru og sögu, svo að almenningur geti nýtt sér Opin skóg til áningar, útivistar og heilsubótar.

Í tilefni Berjadaga og 70 ára afmælis Ólafsfjarðar sem kaupstaðar verður bókasafnið í Ólafsfirði Ólafsvegur 4, (gamla stjórnsýsluhúsið) opið um helgina þ.e. laugardag og sunnudag frá kl. 11:00 - 15:00.

Í tengslum við aðalfund Skógræktarfélags Ísland, sem fram fer á Akureyri um helgna, verður reitur Skógræktarfélags Siglufjarðar formlega opnaður undir merkjum Opins skógar. Skógræktarfélag Siglufjarðar fagnar 75 ára afmæli á þessu ári og nú hefur aðstaða fyrir gesti skógarins verið bætt til muna, meðal annars með vegabótum og nýju bílastæði.

Dagskrá Berjadaga, föstudaginn 14. ágúst verður sem hér segir: