Fréttir

Lið Fjallabyggðar tók þátt í annarri umferð Útsvars sl. föstudag. Mótherjar voru Hafnarfjörður og unnu þeir lið Fjallabyggðar með 83 stigum gegn 57. Keppnin var mjög jöfn og spennandi og réðust úrslitin ekki fyrr en á allra síðustu spurningunum. Fjallabyggð hefur þá lokið þátttöku í Útsvari þennan veturinn.

Íslenska Gámafélagið hefur birt sorphirðudagatal fyrir Fjallabyggð árið 2017. Dagatalið má nálgast hér á heimasíðunni. Eru íbúar hvattir til að kynna sér það vel.

Árleg þrettándagleði í Fjallabyggð verður í dag kl. 18:00. Dagskráin hefst með blysför frá Ráðhústorginu á Siglufirði.

Innritun fyrir nýja nemendur í Tónlistarskólann á Tröllaskaga, fer fram dagana 3.—20. janúar, alla virka daga frá kl. 09.00. – 15.00.

Samband íslenskra sveitarfélaga veitir nú í annað sinn allt að þremur meistaranemum styrki til að vinna lokaverkefni á sviði sveitarstjórnarmála sem tengjast stefnumörkun sambandsins 2014-2018. Til úthlutunar er að þessu sinni allt að 750.000 kr. og stefnt er að því að veita þrjá styrki.

Fjallabyggð óskar Siglfirðingum og Ólafsfirðingum nær og fjær svo og landsmönnum öllum gleðilegs árs og þakkar samfylgdina á nýliðnu ári.

Elsa Guðrún Jónsdóttir var í gærkveldi þann 29. desember kjörin skíðamaður ársins og Íþróttamaður Fjallabyggðar 2016. Auk hennar var efnilegasta og besta íþróttafólkið í hverri grein verðlaunað.

Lið Fjallabyggðar sigraði með glæsibrag lið Seltjarnarnes í nóvember sl. með 35 stiga mun og er nú komið að annarri umferð. Föstudaginn 6. janúar n.k. mun okkar glæsilega fólk keppa við lið Hafnarfjarðar.

Vakin er athygli á því að aukalosnun verður á grænu sorptunnunni á milli jóla og nýárs

Vetrarsólstöður voru á norðurhveli jarðar í dag kl. 10:44.