Fréttir

142. fundur Bæjarstjórnar Fjallabyggðar verður haldinn 9. febrúar 2017 kl. 17:00 í Ráðhúsi Fjallabyggðar, Gránugötu 24, Siglufirði,

Bæjarstjórn Fjallabyggðar áformar breytingu á Aðalskipulagi Fjallabyggðar 2008-2028 til samræmis við framkvæmdir sem fram hafa farið á hafnarsvæðinu á Siglufirði og fyrirhugaða uppbyggingu við hafnarsvæðið. Fyrir liggja drög að deiliskipulagi norðan Hafnarbryggju á Þormóðseyri, Siglufirði. Þar er gert ráð fyrir athafnalóðum á landfyllingu sem varð til við dýpkunarframkvæmdir hafnarinnar árið 2016.

Í desember sl. var gengið frá ráðningu í starf deildarstjóra fræðslu- frístunda- og menningarmála Fjallabyggðar. Alls sóttu 7 aðilar um stöðuna og var Róbert Grétar Gunnarsson metinn hæfastur.

Í dag er blásið til leiks í hinum stórskemmtilega og æsispennandi lestrarlandsleik Allir lesa! Mörg sveitarfélög hvetja bæjarbúa til að mynda lið og skrá lestur í von um að í bænum leynist sigurliðið, og þar með öflugustu lestrarhestar landsins! Í ár er einnig er hægt að keppa sem einstaklingur og verður fróðlegt að sjá hver les mest allra Íslendinga. Vinningshafar fá gjafakort á bókamarkað félags íslenskra bókaútgefanda og stærstu liðin fá girnilegar kræsingar með lestrinum. Allir lesa auk þess sem landsleikurinn er frábært tækifæri til að minnka skjátíma og lesa eitthvað af þeim fjölmörgu frábæru bókum sem fylla hillur landsmanna og bókasafna landsins. Hægt er að hefja keppni hvenær sem er á tímabilinu 27. janúar til 19. febrúar og hefur fjöldi fólks þegar skráð sig til leiks á allirlesa.is.

Ný og betri líkamsrækt í Ólafsfirði var formlega vígð í gær 26. janúar kl. 16:30

Í gær stóð Grunnskóli Fjallabyggðar fyrir hæfileikakeppni fyrir nemendur í 1. - 7. bekk. Keppnin fór fram í Tjarnarborg og var keppnin mjög vel sótt en um 130 manns voru í salnum.

Þegar Bæjarlistamaður Fjallabyggðar árið 2017 var formlega útnefndur þann 25. janúar sl., voru líkt og síðustu ár afhentir, með formlegum hætti, menningar- og rekstrarstyrkir til einstaklinga og félagasamtaka fyrir árið 2017. Styrkir sem með einum eða öðrum hætti munu styðja við bakið á menningarlífi Fjallabyggðar.

Skammdegishátíðin hefst 26. janúar kl. 17:00 á Skammdegi Exhibition í Landsbjargarhúsinu á Ólafsfirði. Dagskráin á morgun og fram á kvöld er eftirfarandi:

Kynningar- og fræðslufundur í Ráðhúsi Fjallabyggðar þriðjudaginn 31. janúar kl. 17-19 Ferðamannavegur um Norðurland – Arctic Coastline Route Arctic Coastline Route er verkefni sem miðar að því að kortleggja ferðamannaveg sem liggur meðfram strandlengju Norðurlands, frá Langanesbyggð í Skagafjörð og er tilgangurinn að þróa nýtt aðdráttarafl fyrir norðurhluta Íslands fyrir innlenda og erlenda ferðamenn.  Verkefnið hófst árið 2016 og er fundinum ætlað að gefa innsýn inn í markmið, áherslur og fyrstu skref.  Tækifæri gefst til umræðna og áhrifa á verkefnið og er m.a. leitað hugmynda á endanlegt nafn leiðarinnar. Verkefnastjóri verkefnisins, Christiane Stadler; Dipl. Landfræðingur, verður með kynninguna og fer hún fram á ensku.

Markaðs- og menningarnefnd Fjallabyggðar hefur valið Arnfinnu Björnsdóttur sem bæjarlistamann Fjallabyggðar 2017. Útnefningin fer fram í Menningarhúsinu Tjarnarborg í Ólafsfirði í dag miðvikudaginn 25. janúar kl. 18:00. Við sama tilefni verða afhentir menningarstyrkir Fjallabyggðar fyrir árið 2014. Allir velkomnir. Markaðs– og menningarnefnd.