Fréttir

Mótorklúbbur Siglufjarðar og Vélsleðaklúbbur Ólafsfjarðar standa fyrir vélsleðamóti í Skarðinu á Siglufirði næsta laugardag í samvinnu við Skíðasvæðið í Skarðsdal. Mótið hefst kl. 14:00 og er búist við að hátt í 20 keppendur taki þátt í mótinu.

Agnar Þór Sveinsson knattspyrnumaður var kjörinn íþróttamaður ársins 2008 þegar Kjör á íþróttamanni ársins 2008 fór fram á Allanum sl. fimmtudagskvöld. Einnig var Jóhannesi Egilssyni veitt heiðursverðlaun en Hansi í Egilssíld hefur verið formaður TBS frá stofnun þess og er það einsdæmi á Íslandi.

Þann 11. febrúar var 1-1-2 dagurinn haldinn um allt land. Tilgangur dagsins er að minna á neyðarnúmerið 1-1-2. Í Fjallabyggð heimsóttu slökkvilið, björgunarsveitir, sjúkraflutningamenn og lögregla grunnskólana og sýndu tæki og búnað og sögðu frá starfsemi sinni.

Ákveðið hefur verið að Nikulásarmótið í knattspyrnu (Ólafsfirði) verði helgina 17.-19. júlí í sumar. Mótið hefur að undanförnu verið helgina áður, en hefur verið fært á umrædda helgi þar sem Landsmót UMFÍ verður helgina 11.-12. júlí á Akureyri. Frekari upplýsingar um mótið má finna á Nikulas.is.  

Framkvæmdastjórn Íþrótta- og Ólympíusambands Íslands samþykkti nýverið tillögur stjórnar Afrekssjóðs ÍSÍ og Styrktarsjóðs ungra og framúrskarandi efnilegra íþróttamanna fyrir árið 2009. Baldur Ævar Baldursson var einn af þeim sem fékk B-styrk sem er kr. 960.000.- en hann fékk einnig á þennan styrk á síðasta ári. Baldur Ævar keppir undir merkjum Snerpu á Siglufirði.