Fréttir

Þrettándabrennu hefur verið frestað um óákveðinn tíma. Flugeldasýning Kiwanisklúbbsins Skjaldar í samvinnu við Björgunarsveitina Stráka á Siglufirði verður miðvikudaginn 6. janúar 2021 kl. 18:30 og eru íbúar hvattir til að fylgjast með henni úr fjarlægð, varast hópamyndanir og huga að sóttvörnum.

Íslenska Gámafélagið hefur birt sorphirðudagatal fyrir Fjallabyggð árið 2021.

Tekin hefur verið ákvörðun, í samráði við viðeigandi aðila, um að engar áramótabrennur verði í Fjallabyggð í ár. Íbúar eru hvattir til að fylgjast með flugeldasýningum björgunarsveitanna á gamlárskvöld. Flugeldasýning Tinds í Ólafsfirði hefst kl. 20:30 og flugeldasýning Stráka Siglufirði hefst kl. 21:00. Kæru íbúar, farið varlega og eigið gleðileg áramót, sinnið sóttvörnum og varist hópamyndanir.

Frá og með 1. janúar 2021 tekur Fjallabyggð við rafrænum reikningum í gegnum heimasíðuna. Fjallabyggð hefur undanfarin ár unnið að því að innleiða pappírslaus viðskipti. Einn liður í því er að taka á móti reikningum á rafrænu formi. Þetta hefur marga kosti í för með sér. Minni sóun verður á pappír auk þess sem sendingarkostnaður verður lítill sem enginn.

Gjafabréfin, frá Fjallabyggð, til starfsmanna sveitarfélagsins, er hægt að nota á eftirfarandi stöðum:

Í gær, 15. desember, var fjárhagsáætlun Fjallabyggðar vegna komandi árs samþykkt í sveitarstjórn. Hluti þeirrar áætlunar er svokölluð fjárfestingaráætlun sem innifelur fjárfestingar næsta árs. Í fjárhagsáætlun er hins vegar allt smærra viðhald húsa, gatnakerfis og annarra eigna sveitarfélagsins. Fjárhagsáætlun 2021 gerir ráð fyrir að tæpar 100 milljónir króna verði settar í viðhald eigna sveitarfélagsins.

Áætlaður rekstrarhalli bæjarsjóðs fyrir árið 2021 er 40 mkr. Fjárhagsáætlun bæjarsjóðs Fjallabyggðar fyrir árið 2021 var samþykkt á bæjarstjórnarfundi 15. desember 2020. Helstu niðurstöðutölur áætlunarinnar eru:[meira]

Á bæjarstjórnarfundi þann 15. desember fór fram seinni umræða um fjárhagsáætlun Fjallabyggðar fyrir árið 2021, ásamt þriggja ára áætlun 2021 – 2024. Var áætlunin samþykkt samhljóða með 7 atkvæðum.

Íbúum um allt land býðst að njóta listagjafar helgina 19.-20. desember næstkomandi. Listafólk í fremstu röð mun þá sækja fólk heim og flytja stutta listgjörninga, tónlist, ljóðlist, sirkusatriði eða dans sem gefendur geta pantað fyrir ástvini í gegnum vefinn. Einnig verður boðið upp á rafrænar listagjafir til þeirra sem geta ekki tekið á móti gjöf í eigin persónu vegna sóttvarnatilmæla eða staðsetningar. Gjöfin er án endurgjalds en takmarkast við eina pöntun á mann.

Á dögunum var ákveðið að ekki yrði kjörinn Íþróttamaður Fjallabyggðar þetta árið né veittar viðurkenningar vegna árangurs í íþróttum líkt og gert hefur verið um áratuga skeið. Er þessi ákvörðun tekin í ljósi þess að ekkert íþróttafélag hefur getað haldið úti venjubundnu íþróttastarfi á árinu og aðeins örfá getað tekið þátt í mótum og keppni. Því eru litlar og í flestum tilfellum engar forsendur að byggja á til að útnefna besta og efnilegasta íþróttafólkið.