Fréttir

Vakin er athygli á því að gráa tunnan verður losuð í Fjallabyggð næstu þrjá daga. Mikilvægt er að íbúar moki frá tunnum til að auðvelda starfsmönnum Íslenska Gámafélagsins losun. Íslenska gámafélagið vill sömuleiðis ítreka að tunnur sem eru yfirfullar verða EKKI losaðar. Það er á ábyrgð íbúa að koma umfram sorpi á gámaplan en samkvæmt þeim tilmælum sem unnið er eftir þá eiga starfsmenn ÍG að forðast snertingu við allt sorp.

Reykjavíkurborg og Orka Náttúrunnar í samstarfi við Miðstöð hönnunar og arkitektúrs standa fyrir samkeppni um þrjú ljóslistaverk á Vetrarhátíð 2021. Verkin sem verða valin verða sýnd á Vetrarhátíð 2021 dagana 4.-7. febrúar 2021.

Árlegur minningardagur um fórnarlömb umferðarslysa verður haldinn hátíðlegur sunnudaginn 15. nóvember 2020. Dagurinn er haldinn til að minnast þeirra sem látist hafa í umferðinni, leiða hugann að ábyrgð hvers og eins í umferðinni en ekki hvað síst til að þakka þeim viðbragðsaðilum sem veita hjálp og björgun.

Vakin er athygli á því að næsti bæjarstjórnarfundur verður miðvikudaginn 18. nóvember nk. kl. 17:00 í Tjarnarborg Ólafsfirði. Samkvæmt venjubundnum fundartíma bæjarstjórnar, sem er annar miðvikudagur í mánuði, hefði næsti fundur átt að vera miðvikudaginn 11. nóvember nk. Þetta tilkynnist hér með.

Bæjarráð hafnar tilboði í viðbyggingu Íþróttamiðstöðvarinnar á Siglufirði. Á 673. fundi bæjarráðs í morgun var samþykkt að hafna því eina tilboði sem fékkst í viðbyggingu Íþróttamiðstöðvarinnar á Siglufirði. Ástæða höfnunar er að tilboð sem barst var töluvert hærra en kostnaðaráætlun gerði ráð fyrir, ákvörðun bæjarráðs er einnig tekin í ljósi mikillar óvissu í efnahagsmálum þjóðarinnar.

Lokað er fyrir allar heimsóknir á Hornbrekku. Staðan verður metin 9. nóvember nk.

Á morgun mánudag 2. nóvember lokum við klukkan 12:00 vegna skipulagsdags. Ástæðan er að við þurfum að bregðast við nýrri reglugerð um skólastarf vegna covid. Foreldrar fá svo nánari upplýsingar um skólastarfið eftir skipulagsdaginn.

Það hefur væntanlega ekki farið fram hjá neinum að nýjar hertar sóttvarnarreglur tóku gildi á miðnætti 31. október sl. Ný reglugerð um takmarkanir á skólastarfi verður kynnt á næstunni. Tekin hefur verið ákvörðun um að mánudaginn 2. nóvember verði starfsdagur í Grunnskóla Fjallabyggðar. Stjórnendur og starfsfólk skólans þurfa svigrúm til að skipuleggja skólastarfið sem best.

Íþróttamannvirki sveitarfélagsins, íþróttahús og sundlaugar, munu því loka frá og með 31. október og varir lokunin á meðan á samkomubanni stendur eða til og með 17. nóvember.

Skrifstofa Fjallabyggðar verður lokuð frá og með mánudeginum 2. nóvember til og með 17. nóvember 2020. Ráðstafanir þessar eru gerðar í þeim tilgangi að draga eftir mætti úr smithættu og tryggja sem best að starfsemi og þjónusta haldist órofin. Beðist er velvirðingar á þeim óþægindum sem þessar ráðstafanir kunna að fela í sér fyrir íbúa og aðra.