Fréttir

Nú styttist í að vinnustaðakeppnin Hjólað í vinnuna 2022 hefjist í tuttugasta sinn en að þessu sinni fer keppnin fram frá 4. - 24. maí. Opnað var fyrir skráningu þann 20. apríl og við hvetjum alla til að skrá sig strax til leiks.

Stýrihópur um heilsueflandi samfélag í Fjallabyggð vill hvetja íbúa til hreyfingar og heilbrigða lífhátta. Íbúar eru sérstaklega hvattir til að nota virkan ferðamáta og taka þátt í landsátakinu Hjólað í vinnuna sem hefst 4. maí nk.

Kjörskrá vegna sveitarstjórnarkosninga í Fjallabyggð þann 14. maí 2022 munu liggja frammi frá 22. apríl nk. til sýnis í Ráðhúsi Fjallabyggðar, Gránugötu 24, Siglufirði og bókasafninu á Ólafsvegi 4, Ólafsfirði, á auglýstum opnunartíma skrifstofu virka daga fram til 14. maí.

Í dag mánudag 25. apríl og næstu daga verða götur sópaðar á Siglufirði. Fyrst er þjóðvegur í gegnum Siglufjörð sópaður. Því næst verður sópað í Suðurbæ og vinnur sópurinn sig til norðurs.

Um er að ræða tvö aðskilin verk. Annars vegar við leikskólann á Ólafsfirði og hins vegar leikskólann á Siglufirði. Sér útboðsgögn eru fyrir hvort verk og því ekki skylda að bjóða í bæði verkin.

Bæjarstjórn Fjallabyggðar samþykkti 13. apríl 2022 að auglýsa tillögu að deiliskipulagi fyrir þjóðveg í þéttbýli Ólafsfjarðar skv. 1. mgr. 41. gr. skipulagslaga nr. 123/2010. Skipulagssvæðið afmarkast annars vegar af Ólafsfjarðarvegi (82) sem liggur í gegnum bæinn frá norðri að Ægisgötu þar sem hann beygir til suðurs og hins vegar Siglufjarðarvegi (76) sem liggur frá Ægisgötu til vesturs að brú yfir Ólafsfjarðarvatn. Heildarlengd er um 1,8 km.

Þrír framboðslistar bárust fyrir bæjarstjórnarkosningarnar 14. maí 2022. Öll framboðin voru úrskurðuð gild af yfirkjörstjórn Fjallabyggðar. Bæjarstjórnarkosningarnar fara fram laugardaginn 14. maí næstkomandi og verða kjörstaðir í Fjallabyggð opnir kl. 10:00-22:00 Eftirfarandi listar verða boðnir fram við bæjarstjórnarkosningarnar í Fjallabyggð 2022:

212. fundur bæjarstjórnar Fjallabyggðar verður haldinn í Tjarnarborg í Ólafsfirði, 13. apríl 2022 kl. 17.00

Bæjarráð Fjallabyggðar hefur samþykkt að gerður verði rekstrarsamningur við Kaffi Klöru ehf. í Ólafsfirði um rekstur tjaldsvæða Fjallabyggðar til næstu þriggja ára.