Fréttir

Bæjarstjórn Fjallabyggðar samþykkti 13. apríl 2022 að auglýsa tillögu að deiliskipulagi fyrir þjóðveg í þéttbýli Ólafsfjarðar skv. 1. mgr. 41. gr. skipulagslaga nr. 123/2010. Skipulagssvæðið afmarkast annars vegar af Ólafsfjarðarvegi (82) sem liggur í gegnum bæinn frá norðri að Ægisgötu þar sem hann beygir til suðurs og hins vegar Siglufjarðarvegi (76) sem liggur frá Ægisgötu til vesturs að brú yfir Ólafsfjarðarvatn. Heildarlengd er um 1,8 km.

Þrír framboðslistar bárust fyrir bæjarstjórnarkosningarnar 14. maí 2022. Öll framboðin voru úrskurðuð gild af yfirkjörstjórn Fjallabyggðar. Bæjarstjórnarkosningarnar fara fram laugardaginn 14. maí næstkomandi og verða kjörstaðir í Fjallabyggð opnir kl. 10:00-22:00 Eftirfarandi listar verða boðnir fram við bæjarstjórnarkosningarnar í Fjallabyggð 2022:

212. fundur bæjarstjórnar Fjallabyggðar verður haldinn í Tjarnarborg í Ólafsfirði, 13. apríl 2022 kl. 17.00

Bæjarráð Fjallabyggðar hefur samþykkt að gerður verði rekstrarsamningur við Kaffi Klöru ehf. í Ólafsfirði um rekstur tjaldsvæða Fjallabyggðar til næstu þriggja ára.

Friðþjófur Jónsson hefur verið ráðinn í starf yfirhafnarvarðar Fjallabyggðahafna sem auglýst var laust til umsóknar þann 18. febrúar sl. Tíu umsóknir bárust um starfið.

Dregið hefur verið í páskahappdrætti Neons. Útdráttur fór fram á skrifstofu sýslumanns fimmtudaginn 7. apríl 2022. Félagsmiðstöðin Neon vill þakka öllum þeim fyrirtækjum og einstaklingum sem hafa stutt þau í fjáröflun fyrir Samfésferðina þeirra.

Föstudaginn langa 15. apríl kl. 14.00 hefst árlega listahátíðin Leysingar í Alþýðuhúsinu á Siglufirði. Hátíðin stendur í þrjá daga og er boðið upp á sýningu í Kompunni, þrjá gjörninga, upplestur og tvenna tónleika.

Senn líður að sumri og vill Fjallabyggð vekja athygli á lokunartíma Leikskóla Fjallabyggðar sumarið 2022. Leikskóli Fjallabyggðar verður lokaður í 4 vikur eða 20,5 virka daga vegna sumarleyfa starfsfólks eða frá kl. 12 á hádegi föstudaginn 15. júlí. Leikskólinn opnar aftur þriðjudaginn 16. ágúst.

Orðsending frá félagsmiðstöðinni Neon. Útdrætti í páskahappdrætti Neons er frestað til fimmtudags. Útdráttur fer fram á sýsluskrifstofu. Unglingar í Neon þakka öllum sem gáfu vinninga eða keyptu miða innilega fyrir stuðninginn.