Fréttir

Vinnuskóli Fjallabyggðar Vinnuskólinn er fyrir ungmenni sem nýlokið hafa 8., 9. eða 10. bekk.

Íþróttamiðstöðvar Fjallabyggðar auglýsa sumaropnun 2022.

Vegna ófyrirséðra tafa við afhendingu efnis við endurnýjun búningsklefa í sundlaug Fjallabyggðar Ólafsfirði verður sundlaugin ekki opnuð í byrjun júní eins og ráðgert hafði verið. Stefnt er að opnun laugarinnar eins fljótt og auðið er, í síðasta lagi 20. júní. Kappkostað er að opna sundlaugina fyrr ef möguleiki er á og verður það þá auglýst sérstaklega. Sumaropnun sundlaugar Fjallabyggðar á Siglufirði hefst 7. júní. Opið verður alla virka daga kl. 06:30 – 19:00 og laugardaga og sunnudaga kl. 10:00 – 18:00.

216. fundur bæjarstjórnar Fjallabyggðar verður haldinn í Ráðhúsi Fjallabyggðar, Gránugötu 24, Siglufirði 2. júní 2022 kl. 17.30.

Framkvæmdir eru hafnar við uppsetningu stoðvirkja grinda í Hafnarfjalli. Flug í fjallið mun hefjast í dag og standa fram á helgi. Ekki er flogið með grindur yfir byggðina, en óþægindi geta verið af hávaða vegna flugsins.

215. fundur bæjarstjórnar Fjallabyggðar verður haldinn í Tjarnarborg, Aðalgötu 16, Ólafsfirði 25. maí 2022 kl. 17.00

Íþróttamiðstöðvarnar verða lokaðar þriðjudaginn 24. maí frá kl. 12:00 vegna námskeiðis stafsfólks.

Fjallabyggð óskar eftir tilboðum í endurnýjun á yfirfallslögn Álalækjar á Siglufirði. Rjúfa þarf núverandi yfirborðsfrágang og grafa fyrir og leggja nýja yfirfallslögn frá dælubrunni við efri enda Gránugötu að smábátahöfn. Nýja lögnin tengist við núverandi lagnakerfi norðan dælubrunns og kemur í stað núverandi Álalækjarræsis sem leggst af.

Dagskrá um sjómannadagshelgina í Ólafsfirði hefur nú litið dagsins ljós og má segja að hún sé hin glæsilegasta. Það er Sjómannadagsráð Sjómannafélags Ólafsfjarðar sem hefur haft veg og vanda að gerð dagskrárinnar sem höfðar til fólks á öllum aldri.

Tjaldsvæðið á Siglufirði hefur verið opnað fyrir gesti. Tjaldsvæðið á Stóra Bola Siglufirði mun væntanlega opna í kringum mánaðamótin maí - júní. Nýtt aðstöðuhús er nú í byggingu við Tjaldsvæðið í Ólafsfirði. Reiknað er með því að aðstaðan verið tilbúin fyrir 15. júní. Samhliða breytingunum uppfærist einnig aðstaðan á tjaldstæðinu við Stóra Bola.