Fréttir

216. fundur bæjarstjórnar Fjallabyggðar verður haldinn í Ráðhúsi Fjallabyggðar, Gránugötu 24, Siglufirði 2. júní 2022 kl. 17.30.

Framkvæmdir eru hafnar við uppsetningu stoðvirkja grinda í Hafnarfjalli. Flug í fjallið mun hefjast í dag og standa fram á helgi. Ekki er flogið með grindur yfir byggðina, en óþægindi geta verið af hávaða vegna flugsins.

215. fundur bæjarstjórnar Fjallabyggðar verður haldinn í Tjarnarborg, Aðalgötu 16, Ólafsfirði 25. maí 2022 kl. 17.00

Íþróttamiðstöðvarnar verða lokaðar þriðjudaginn 24. maí frá kl. 12:00 vegna námskeiðis stafsfólks.

Fjallabyggð óskar eftir tilboðum í endurnýjun á yfirfallslögn Álalækjar á Siglufirði. Rjúfa þarf núverandi yfirborðsfrágang og grafa fyrir og leggja nýja yfirfallslögn frá dælubrunni við efri enda Gránugötu að smábátahöfn. Nýja lögnin tengist við núverandi lagnakerfi norðan dælubrunns og kemur í stað núverandi Álalækjarræsis sem leggst af.

Dagskrá um sjómannadagshelgina í Ólafsfirði hefur nú litið dagsins ljós og má segja að hún sé hin glæsilegasta. Það er Sjómannadagsráð Sjómannafélags Ólafsfjarðar sem hefur haft veg og vanda að gerð dagskrárinnar sem höfðar til fólks á öllum aldri.

Tjaldsvæðið á Siglufirði hefur verið opnað fyrir gesti. Tjaldsvæðið á Stóra Bola Siglufirði mun væntanlega opna í kringum mánaðamótin maí - júní. Nýtt aðstöðuhús er nú í byggingu við Tjaldsvæðið í Ólafsfirði. Reiknað er með því að aðstaðan verið tilbúin fyrir 15. júní. Samhliða breytingunum uppfærist einnig aðstaðan á tjaldstæðinu við Stóra Bola.

Kæru íbúar Fjallabyggðar, Um leið og ég upplýsi ykkur íbúa Fjallabyggðar um að ég hyggist ekki sækjast eftir endurráðningu í starf bæjarstjóra að liðnum ráðningartíma mínum þá vil ég þakka innilega fyrir þau tvö viðburðaríku og annasömu ár sem ég hef fengið að njóta hér í Fjallabyggð.

Eins og síðustu ár mun Fjallabyggð birta rafrænt yfirlit/dagatal yfir afþreyingu og frístundastarf barna og unglinga í Fjallabyggð sumarið 2022. Þar með verða upplýsingar um það sem er í boði til afþreyingar og dægrastyttingar fyrir þann aldurshóp aðgengilegar á einum stað á heimasíðu Fjallabyggðar.

Á fundi hafnarstjórnar þann 9. maí sl. var Stefna Fjallabyggðarhafna 2022 til 2030 samþykkt. Afgreiðsla hafnarstjórnar var svo staðfest af bæjarstjórn á fundi 11. maí sl. með öllum greiddum atkvæðum.