Fréttir

Ólafsfjörður býður New Hampshire Friendship Chorus frá Bandaríkjunum velkominn fimmtudaginn 7. júlí. Það er sérstakt ánægjuefni fyrir New Hampshire Friendship Chorus að koma fram á Ólafsfirði og er það hluti af 18. alþjóðlegri tónleikaferð kórsins árið 2022. Tónleikarnir verða haldnir í Menningarhúsinu Tjarnarborg fimmtudaginn 7. júlí kl 18:00. Allir velkomnir.

Starfsmaður óskast í þjónustumiðstöð Fjallabyggðar. Fjallabyggð leitar eftir áhugasömum einstaklingi til að sinna vatns- og fráveitumálum auk annarra almennra verkefna í þjónustumiðstöð. Æskilegt er að starfsmaðurinn hafi iðnmenntun á sviði pípulagna eða vélvirkjun. Viðkomandi þarf að geta hafið störf sem fyrst [Meira...]

Sundlaug Fjallabyggðar í Ólafsfirði opnar á ný eftir framkvæmdir. Endurbótum er ekki að fullu lokið en ákveðið hefur verið að opna sunnudaginn 3. júlí nk.

Fjallabyggð flaggar regnbogafána vegna hryðjuverkaárásar á hinsegin skemmtistað í Osló. Regnbogafáninn mun blakta við hún í nokkra daga til minningar um fórnarlömb þessa ofbeldisverks og til stuðnings hinsegin fólks.

Bæjarstjórn samþykkti á 217. fundi sínum að ráða Braga Frey Kristbjörnsson í stöðu deildarstjóra stjórnsýslu og fjármála hjá Fjallabyggð, en staðan var auglýst var 6. maí síðastliðinn. Fjórar umsóknir bárust um starfið.

„Það kalla ég rart“ Sýningaropnun Stefáns Jónssonar í Pálshúsi Ólafsfirði laugardaginn 25. júní kl. 15:00. Sýningin verður opin á opnunartíma Pálsshúss til 25. júlí 2022

217. fundur bæjarstjórnar Fjallabyggðar verður haldinn í Tjarnarborg, Aðalgötu 16, Ólafsfirði. 23. júní 2022 kl. 17.00.

Markaðs- og menningarnefnd Fjallabyggðar útnefndi Aðalheiði S. Eysteinsdóttur Bæjarlistamann Fjallabyggðar árið 2022. Af því tilefni opnar hún sýningu í Ráðhússal Fjallabyggðar á Siglufirði á verkum sem hún hefur unnið á undanförnum níu mánuðum. Með sýningunni vill hún þakka þann heiður sem henni er sýndur með útnefningunni.

17. júní hátíðarhöldum frestað til 18. júní Vegna mikillar rigningarspár á morgun 17. júní hefur verið tekin ákvörðun um að fresta hátíðardagskrá fram til laugardagsins 18. júní kl. 12:00 Á Siglufirði á Rauðkutorgi verður stórglæsileg hátíðardagskrá og er dagskráin í höndum Ungliðasveitarinnar Smástráka í ár.

Vegna enn frekari tafa við afhendingu efnis við endurnýjun búningsklefa í sundlaug Fjallabyggðar í Ólafsfirði verður sundlaugin ekki opnuð 20. júní eins og ráðgert hafði verið. Stefnt er að opnun laugarinnar eins fljótt og auðið er eftir að efni berst verktökum.