Erindi - Nýr kirkjugarður á Ólafsfirði, til kynningar

Lagt fram til upplýsingar erindi Önnu M. Guðlaugsdóttur f.h. sóknarnefndar Ólafsfjarðarprestakalls er varðar ósk um viðræður við sveitarfélagið varðandi nýjan kirkjugarð í Ólafsfirði.

Lagt fram erindi, dagsett 20.04.2022, frá Sóknarnefnd Ólafsfjarðarkirkju þar sem óskað er eftir fundi með Skipulags- og umhverfisnefnd varðandi nýjan kirkjugarð í Ólafsfirði. Formaður sóknarnefndar, Anna María Guðlaugsdóttir, mun mæta á fund nefndarinnar.

Lagðar fram tillögur að mögulegum svæðum fyrir nýjan kirkjugarð í Ólafsfirði.

Lagt fram erindi Önnu Maríu Guðlaugsdóttur f.h. Sóknarnefndar Ólafsfjarðarprestakalls dags. 11.4.2023. Er það mat sóknarnefndar að af þeim tillögum sem bárust frá skipulags- og umhverfisnefnd sé svæði við Garðsveg ákjósanlegast fyrir nýjan kirkjugarð. Jafnframt er óskað eftir fundi með skipulags- og umhverfisnefnd til að ræða svæðið í heild.

Á 230. fundi bæjarstjórnar var lögð fram bókun þess efnis að tæknideild væri falið að kanna frekar svæðið við Brimnes (ofan Ólafsfjarðarvegar) fyrir framtíðar kirkjugarð Ólafsfjarðar, skv. sömu mælikvörðum og aðrir valkostir hafa verið greindir. Lögð fram greining svæða sem lögð voru til sem framtíðar kirkjugarðar í Ólafsfirði þar sem svæðið við Brimnes er skoðað og greint með sama hætti.

Lagt fram erindi sóknarnefndar Ólafsfjarðarprestakalls dags. 29.8.2023. Af þeim tillögum sem lagðar voru fram til grundvallar staðsetningar á nýjum kirkjugarði í Ólafsfirði hlutast meirihluti sóknarnefndar til að svæðið við Garðsveg sé vænlegasti kosturinn.

Lagt fram minnisblað skipulagsfulltrúa, þar sem óskað var eftir tilboði þriggja aðila í vinnu staðarvalsgreiningar og deiliskipulags fyrir nýjan kirkjugarð í Ólafsfirði. Tilgangur verkefnisins er fyrst og fremst að finna kirkjugarðinum nýjan stað þar sem núverandi kirkjugarður verður fljótlega fullgrafinn. Skoðaðar verða tvær staðsetningar, annars vegar við Garðsveg og hins vegar við Brimnes.

Tilboð barst frá eftirfarandi aðilum:
Kanon arkitektum
Eflu verkfræðistofu
Landslagi ehf.

Birkir Einarsson hjá Kanon arkitektum kynnti staðarvalsgreiningu fyrir nýjan kirkjugarð í Ólafsfirði. Á fundinn mættu einnig meðlimir sóknarnefndar Ólafsfjarðarkirkju og Guðmundur Rafn Sigurðsson, framkvæmdastjóri hjá kirkjugarðaráði.

Lagðar fram tvær tillögur að útfærslu nýs kirkjugarðs í Ólafsfirði.

Á 308. fundi skipulags- og umhverfisnefndar voru lagðar fram tvær tillögur um staðarval nýs kirkjugarðs í Ólafsfirði. Einnig var lögð fram staðarvalsgreining sem unnin var af Kanon Arkitektum. Ákvörðun um staðarval vísað til bæjarstjórnar.

Helgi Jóhannsson, Tómas Atli Einarsson, Sæbjörg Ágústsdóttir, S. Guðrún Hauksdóttir og Þorgeir Bjarnason tóku til máls.

Á 239. fundi bæjarstjórnar var tekið til afgreiðslu mál 2204075 - Nýr kirkjugarður í Ólafsfirði - frá 308. fundi skipulags- og umhverfisnefndar. Lagðar voru fram tvær tillögur um staðarval nýs kirkjugarðs í Ólafsfirði, ásamt staðarvalsgreiningu sem unnin var af Kanon Arkitektum. Ákvörðun um staðarval var vísað til bæjarstjórnar.
Á fundi bæjarstjórnar var samþykkt með 7 atkvæðum að fela deildarstjóra stjórnsýslu- og fjármáladeildar að leggja fram tillögur að útfærslu á atkvæðagreiðslu meðal íbúa Ólafsfjarðar, þar sem bæjarstjórn taldi brýnt að óska eftir áliti íbúa áður en staðsetningum á nýjum grafreit í Ólafsfirði yrði ákveðinn. Bæjarstjórn fól bæjarráði heimild til fullnaðarafgreiðslu á framkvæmd atkvæðagreiðslunnar.
Lögð fram tillaga deildarstjóra stjórnsýslu- og fjármáladeildar að kosningarkerfi fyrir íbúakosningu. Tillagan var unnin með skipulagsfulltrúa.

Á 826. fundi bæjarráðs var samþykkt að ráðgefandi viðhorfskönnun meðal allra íbúa Ólafsfjarðar (póstnúmer 625 og 626) 18 ára og eldri verði framkvæmd í gegnum Betra Ísland. Við útfærslu viðhorfskönnunarinnar skal sérstaklega horft til þess að bjóða aðstoð til þeirra sem þess óska.
Bæjarráð óskaði eftir að drög þeirra gagna sem munu liggja til grundvallar verði lögð til kynningar fyrir bæjarráð áður en kosning hefst.

Deildarstjóri stjórnsýslu- og fjármáladeildar ásamt skipulagsfulltrúa hafa unnið að útfærslunni, sem lögð er fram til kynningar.

Niðurstaða íbúakönnunar um staðarval nýs kirkjugarðs í Ólafsfirði er sem hér segir:

Íbúar á kjörskrá: 589
Greidd atkvæði: 115 (19,5%)

Atkvæði féllu þannig:
Brimnes: 71 atkvæði (61,7%)
Garðsvegur: 44 atkvæði (38,3%)

Tómas Atli Einarsson, Sigríður Ingvarsdóttir og S. Guðrún Hauksdóttir tóku til máls.

Lögð fram skipulagslýsing vegna fyrirhugaðrar vinnu við nýtt deiliskipulag kirkjugarðs við Brimnes í Ólafsfirði.

Lagðar fram umsagnir sem bárust vegna skipulagslýsingar sem kynnt var skv. 40. gr. skipulagslaga nr.123/2010. Einnig lögð fram tillaga að deiliskipulagi nýs kirkjugarðs við Brimnes, sem unninn var með hliðsjón af framlögðum umsögnum.

Á 315. fundi skipulags- og umhverfisnefndar voru lagðar fram umsagnir sem bárust vegna skipulagslýsingar sem kynnt var skv. 40. gr. skipulagslaga nr.123/2010. Einnig lögð fram tillaga að deiliskipulagi nýs kirkjugarðs við Brimnes, sem unninn var með hliðsjón af framlögðum umsögnum. Málinu vísað til afgreiðslu bæjarstjórnar.
Nefndin leggur til við bæjarstjórn að tillagan verði kynnt á íbúafundi í samræmi við 3.mgr. 40. gr. skipulagslaga nr. 123/2010 samhliða kynningu á breytingu aðalskipulags fyrir kirkjugarðinn.
Helgi Jóhannsson og Arnar Þór Stefánsson tóku til máls.

Lögð fram tillaga að deiliskipulagi vegna kirkjugarðs við Brimnes. Tillagan er lögð fram í kjölfar kynningarfundar sem haldinn var í Tjarnarborg fyrir íbúa og aðra áhugasama skv. 2.mgr. 30. gr. skipulagslaga nr. 123/2010.