Bæjarráð Fjallabyggðar

Til fundarins mættu Ríkey Sigurbjörnsdóttir, deildarstjóri fræðslu-, frístunda- og menningarmála ásamt Ásu Björk Stefánsdóttur skólastjóra Grunnskóla Fjallabyggðar, til að ræða stöðu skólastarfsins og mögulegar lausnir til framtíðar í kjölfar niðurstöðu útboðs á viðbyggingu við grunnskólann á Ólafsfirði.

Deildarstjóri fræðslu-, frístunda- og menningarmála fór yfir helstu verkefni deildarinnar.

Lagður fram viðauki nr. 15 við fjárhagsáætlun 2023 að fjárhæð kr. 7.000.000, vegna byggingar lokaðs vagnaskýlis við Leikhóla og minniháttar breytingar verði gerðar innanhúss til að svara aukinni þörf fyrir vistunarrými um næstu áramót. Viðaukanum verður mætt með lækkun á áætluðum framkvæmdakostnaði við viðbyggingu grunnskólans á Ólafsfirði.

Tillaga og tilboð KPMG í innviðagreiningu lögð fram.

Lagt fram minnisblað skipulagsfulltrúa, þar sem óskað var eftir tilboði þriggja aðila í vinnu staðarvalsgreiningar og deiliskipulags fyrir nýjan kirkjugarð í Ólafsfirði. Tilgangur verkefnisins er fyrst og fremst að finna kirkjugarðinum nýjan stað þar sem núverandi kirkjugarður verður fljótlega fullgrafinn. Skoðaðar verða tvær staðsetningar, annars vegar við Garðsveg og hins vegar við Brimnes.

Tilboð barst frá eftirfarandi aðilum:
Kanon arkitektum
Eflu verkfræðistofu
Landslagi ehf.

Deildarstjóri tæknideildar óskar eftir heimild bæjarráðs til þess að bjóða út endurnýjun á þakjárni ásamt endurbótum á inndregnum svölum á 2 og 3 hæð Skálarhlíðar.

Lögð fram tillaga AVH arkitekta um viðbyggingu við Íþróttamiðstöð Fjallabyggðar á Siglufirði.

Samantekt slökkviliðsstjóra um æfingu slökkviliðs í Strákagöngum lögð fram til kynningar.

Lagt fram erindi Fjallasala ses. og Markaðsstofu Ólafsfjarðar um að setja upp myndir og texta á Norðurgarð hafnarinnar í Ólafsfirði.

Í stað hefðbundins landsfundar um jafnréttismál sveitarfélaga boðar Jafnréttisstofa til rafræns kynningarfundar.
Á fundinum verður farið yfir breytt fyrirkomulag á samtali Jafnréttisstofu og sveitarfélaganna og það sem framundan er hjá Jafnréttisstofu í tengslum við málefni sveitarfélaga.
Fundurinn verður þriðjudaginn 10. október frá kl. 13:00-14:00.

Lagður fram samningur um refaveiðar milli Umhverfisstofnunar og Fjallabyggðar. Samningurinn gildir til 2025.
Markmið samningsins er að hafa yfirsýn yfir þær aðgerðir sem þarf til að stemma stigu við fjölgun refa og draga úr tjóni af þeirra völdum sem og að skapa fyrirsjáanleika varðandi endurgreiðslur ríkissjóðs vegna refaveiða sveitarfélaga.

Opnað hefur verið fyrir umsóknir í Uppbyggingarsjóð Norðurlands eystra og er umsóknarfrestur til 18. október n.k.

Efnahags- og viðskiptanefnd Alþingis hefur til umsagnar tillögu til þingsályktunar um réttlát græn umskipti, 3. mál. Þess er óskað að undirrituð umsögn berist eigi síðar en 6. október nk.

Fundargerð 54. fundar stjórnar SSNE lögð fram til kynningar.

Ársreikningur Leigufélagsins Bríetar ehf. 2022 er lagður fram til kynningar ásamt rekstraráætlun 2023.