Æfing slökkviliðs Fjallabyggðar í Strákagöngum.

Bæjarráð tekur undir áhyggjur slökkviliðsstjóra um aðbúnað og aðstæður sem tengjast viðbúnaði vegna jarðganga á Tröllaskaga. Bæjarráð hvetur Vegagerðina til þess að mæta kröfum slökkviliðsstjóra í samvinnu við hann og sveitarfélagið eins og 10. gr. reglugerðar um brunavarnir í samgöngumannvirkjum nr. 614/2004 kveður á um.

Lagt fram til kynningar. Bæjarráð fagnar úrskurði Innviðaráðuneytisins um brunavarnir í jarðgöngum. Hér er um mjög mikilvægt öryggismál að ræða fyrir vegfarendur í jarðgöngum á utanverðum Tröllaskaga. Bæjarráð skorar á þingmenn Norðausturkjördæmis að tryggja Vegagerðinni fjármagn vegna brunavarna við næstu fjárlög.