Íþróttamiðstöðin á Siglufirði, viðbygging - Umsókn um byggingarleyfi

Lagt fram til kynningar.

Nefndin samþykkir framlagða aðaluppdrætti og felur tæknideild að grendarkynna tillöguna fyrir íbúum að Hvanneyrarbraut 49, 51, 52 og 53.

Nefndin samþykkir framlögð drög að svörum við athugasemdum og felur tæknideild að svara. Nefndin samþykkir einnig útgáfu byggingarleyfis fyrir viðbyggingunni.

Lagt fram minnisblað deildarstjóra tæknideildar, dags. 18.09.2020 þar sem óskað er eftir heimild bæjarráðs til útboðs vegna viðbyggingar við íþróttamiðstöðina á Siglufirði. Reiknað er með að framkvæmdum ljúki seint á næsta ári. Um er að ræða opið útboð í samræmi við lög um opinber innkaup nr. 120/2016.

Bæjarráð samþykkir heimild til útboðs vegna viðbyggingar við íþróttamiðstöðina á Siglufirði og felur deildarstjóra tæknideildar að bjóða verkið út.

Jón Valgeir Baldursson vék af fundi.

Tilboð voru opnuð þann 20. október sl. í verkið Íþróttamiðstöð á Siglufirði og barst eitt tilboð að fjárhæð kr. 263.888.268.- sem er 19% yfir kostnaðaráætlun.

Bæjarráð samþykkir að hafna öllum tilboðum í verkið.

Bæjarráð samþykkir að endurtaka útboðið.

Bæjarráð samþykkir að fela bæjarstjóra að vinna tillögu að næstu skrefum og leggja fyrir bæjarráð.

Bæjarráð þakkar framkomnar upplýsingar vegna viðbyggingar Íþróttamiðstöðvarinnar á Siglufirði. Bæjarráð felur tæknideild að kanna möguleikann á að skipta upp verkinu með það að markmiði að gera það viðráðanlegra til útboðs. Leggja skal fram tillögur til bæjarráðs og meta skal sérstaklega kostnaðaráhrif og mögulega aðkomu Vegagerðarinnar að færslu ræsis sem liggur undir Hvanneyrarbraut.

Bæjarráð felur deildarstjóra tæknideildar að leggja fyrir bæjarráð minnisblað með tillögum um viðbyggingarmöguleika við íþróttamiðstöðina við Hvanneyrarbraut. Ljóst er að skoða þarf aðra möguleika en þá útfærslu sem reynt hefur verið að bjóða út þrisvar sinum án þess að verkið hafi hafist. Bæjarráð óskar eftir að áhersla verði lögð á aðgengismál fatlaðra, aðkomu íbúa, ökutækja og sambýli við nærliggjandi íbúðabyggð.

Einnig óskar bæjarráð eftir tillögum deildarstjóra tæknideildar um úrbætur í aðgengismálum fatlaðra við núverandi byggingu.

Bæjarráð þakkar deildarstjóra tæknideildar fyrir minnisblaðið og samþykkir að unnið verði eftir þeim útfærslum sem koma fram í minnisblaðinu þar sem lagt er til að vestari inngangurinn verði notaður. Samráð skal haft við þjónustuveitendur. Jafnframt óskar bæjarráð eftir kostnaðarmati á hækkun á plani til að hægt sé að nýta austari innganginn.

Bæjarráð þakkar deildarstjóra fyrir minnisblaðið og felur honum að framkvæma skriflega verðkönnun sbr. innkaupareglur á meðal verktaka um að vinna verkið og síðan leggja fyrir bæjarráð beiðni um viðauka vegna verksins.

Bæjarráð vísar tillögunni ásamt fyrri útfærslu til umsagnar í fræðslu- og frístundanefnd.

Umbeðin umsögn nefndarinnar er eftirfarandi:
Fræðslu- og frístundanefnd telur nýja hugmynd að viðbyggingu ekki góða en hún skerðir meðal annars möguleika áður fram kominnar hugmyndar um nýtingu svæðis austan við núverandi sundlaugarhús. Aðgengi að afgreiðslu og ýmsir aðrir þættir eru óhentugir. Nefndin telur fyrri tillögu að viðbyggingu eða jafnvel enn eina útfærslu vera raunsærri og skynsamlegri.

Bæjarráð þakkar fræðslu- og frístundanefnd fyrir bókunina. Bæjarráð samþykkir að leggja til við bæjarstjórn að skipaður verði starfshópur um fjárfestingar, framkvæmdir og viðhald á vegum sveitarfélagsins.