Bæjarráð Fjallabyggðar

Lagt fram minnisblað deildarstjóra tæknideildar dags. 24. febrúar 2022 er varðar endurbætur búningsklefa í Íþróttamiðstöð Fjallabyggðar, Ólafsfirði. Í minnisblaðinu er þess farið á leit að bæjarráð auki fjárveitingu til verkefnisins um 12 millj.kr. en tilboð í verkið var þeirri upphæð hærra en framkvæmdaáætlun gerði ráð fyrir. Einnig er lagður fram útfærður viðauki nr. 3 við fjárhagsáætlun 2022.

Lagt fram vinnuskjal deildarstjóra fræðslu-, frístunda- og menningarmála þar sem óskað er eftir heimild til að auglýsa eftir rekstrar- og umsjónaraðila/aðilum tjaldsvæða Fjallabyggðar, ásamt drögum að auglýsingu.

Lögð fram úttekt HLH Ráðgjafar á samfélagsmiðlum Fjallabyggðar og tillögur að úrbótum. Úttektin er unnin í framhaldi af samkomulagi sem sveitarfélagið gerði við HLH Ráðgjöf um greiningu á samfélagsmiðlum Fjallabyggðar og gerð tillagna að úrbótum með það að markmiði að nýta mætti samfélagsmiðla betur til að miðla og taka við upplýsingum frá almenningi.

Lagt er fram minnisblað deildarstjóra fræðslu-, frístunda- og menningarmála og markaðs- og menningarfulltrúa dags. 1. mars 2022 er varðar uppsögn á gildandi samningi um móttöku útilegukorts á tjaldsvæðum Fjallabyggðar. Í minnisblaðinu er lagt til að gildandi samningi milli Fjallabyggðar og Útilegukortsins verði sagt upp í samræmi við ákvæði 7.gr. samningsins.

Lagt fram til kynningar yfirlit staðgreiðslu fyrir janúar til febrúar 2022. Staðgreiðsla fyrir tímabilið nemur kr. 219.498.424.-,- eða 96,34% af tímabilsáætlun 2022.

Lagt er fram vinnuskjal deildarstjóra tæknideildar dags. 28. febrúar 2022 er varðar opnun tilboða í verkefnið "Viðbygging við íþróttamiðstöð Siglufjarðar" þriðjudaginn 22. febrúar. Engin tilboð bárust. Deildarstjóri tæknideildar leggur til við bæjarráð að verkið verði boðið út aftur.

Lagt er fram vinnuskjal bæjarstjóra dags. 1. mars 2022 er varðar ósk Hins Norðlenzka Styrjufjelags ehf. (HNS) um ívilnun vegna vatnsnotkunar fyrirhugaðrar styrjueldisstöðvar. Vinnuskjalið er unnið í framhaldi af ósk þar um á 731. fundi bæjarráðs.

Lögð fram fundargerð húsfundar Laugarvegs 39, dags. 18. febrúar 2022, ásamt minnisblaði deildarstjóra tæknideildar dags. 22. febrúar 2022, þar sem óskað er eftir viðauka við fjárhagsáætlun 2022 vegna nauðsynlegs viðhalds á fasteigninni að fjárhæð kr. 550.000.-

Tekinn fyrir tölvupóstur frá Húsnæðis- og mannvirkjastofnun (HMS) dags. 18. febrúar 2022, þar sem fram kemur að hægt er að sækja um stofnframlög ríkisins á heimasíðu HMS og er umsóknarfrestur til 21. mars 2022. Um er að ræða fyrri úthlutun ársins.

Lagt fram erindi frá Sýslumanninum á Norðurlandi eystra, dags. 23. febrúar 2022 þar sem óskað er umsagnar sveitarfélagsins vegna umsóknar Björgvins Björgvinssonar fh. Viking Heliskiing clubhouse, um rekstrarleyfi veitinga í flokki II fyrir Grafargerði, Siglufirði.

Lagt fram erindi frá Sýslumanninum á Norðurlandi eystra, dags. 23. febrúar 2022 þar sem óskað er umsagnar sveitarfélagsins vegna umsóknar Sigló hótelrekstur ehf., vegna Hótels Sigló, Snorragötu 3, Siglufirði um rekstrarleyfi gistingar í flokki IV.

Lagt fram erindi frá Sýslumanninum á Norðurlandi eystra, dags. 23. febrúar 2022, þar sem óskað er umsagnar sveitarfélagsins vegna umsóknar frá Sigló hótelrekstur ehf., vegna Hvanneyri gistiheimilis, Aðalgötu 10, Siglufirði um rekstur gistingar í flokki III.

Lagt fram erindi Eyþórs Björnssonar f.h. Samtaka sveitarfélaga og atvinnuþróunar (SSNE) dags. 24. febrúar 2022, er varðar samstarf sveitarfélaga innan SSNE og N4. Í erindinu er vísað til tölvupósts sem María Björk Ingvadóttir, framkvæmdastjóri N4 sendi 11 af 12 sveitarfélögum innan SSNE 17. desember 2021.

Lagt fram vinnuskjal slökkviliðsstjóra dags. 24. febrúar 2022, þar sem beðið er um viðauka vegna viðhalds bifreiða og vinnuvéla vegna viðgerðar á körfubifreið.

Lagt er fram minnisblaðs starfshóps um úrvinnslu innsendra hugmynda um framtíðarnýtingu flugvallarsvæðisins á Siglufirði dags. 28. febrúar 2022. Í minnisblaðinu er farið yfir innsendar hugmyndir, veitt um þær umsögn og gerð tillaga að næstu skrefum.

Niðurstaða starfshópsins er að leggja til að bæjarstjóra verði falið að hefja formlegar viðræður við þá aðila sem standa að baki hugmyndinni Airport Fjallabyggð, um framtíðaruppbyggingu á flugvallarsvæðinu á Siglufirði.

Lagt fram til kynningar tölvupóstur frá Innviðaráðuneytinu og bréf Eftirlitsnefndar með fjármálum sveitarfélaga dags. 21. febrúar 2022, er varða almennt eftirlit með fjármálum sveitarfélaga á árinu 2022.

Lagt fram til kynningar erindi Atvinnuveganefndar Alþingis, dags. 24.02.2022, er varðar umsögn um frumvarp til laga um breytingu á lögum um stjórn fiskveiða (veiðistjórn sandkola og hryggleysingja), 349. mál.

Lagt fram til kynningar erindi Velferðarnefndar Alþingis, dags., 28.02.2022 er varðar umsögn um frumvarp til laga um almannatryggingar (skerðing á lífeyri vegna búsetu), 71. mál.