Sundlaug Ólafsfirði, endurbætur búningsklefa

Undir þessum lið vék Jón Valgeir Baldursson af fundi.

Lagt fram vinnuskjal deildarstjóra tæknideildar dags. 1. febrúar 2022 þar sem fram kemur að þann 31. janúar sl. hafa tilboð verið opnuð í verkefnið "Sundlaug Ólafsfirði, endurbætur búningsklefa".

Þrjú tilboð bárust,
Stapafell verktakar ehf. buðu kr. 67.466.744,
Skálar verktakar ehf. kr. 63.998.244,
Trésmíði ehf. kr. 51.865.935.
Kostnaðaráætlun hönnuða hljóðar upp á kr. 50.639.040

Deildarstjóri tæknideildar hefur yfirfarið tilboðin og leggur til að tilboði lægstbjóðanda, Trésmíði ehf. verði tekið.

Lagt fram minnisblað deildarstjóra tæknideildar dags. 24. febrúar 2022 er varðar endurbætur búningsklefa í Íþróttamiðstöð Fjallabyggðar, Ólafsfirði. Í minnisblaðinu er þess farið á leit að bæjarráð auki fjárveitingu til verkefnisins um 12 millj.kr. en tilboð í verkið var þeirri upphæð hærra en framkvæmdaáætlun gerði ráð fyrir. Einnig er lagður fram útfærður viðauki nr. 3 við fjárhagsáætlun 2022.

Lagt fram minnisblað deildarstjóra tæknideildar dags. 24. mars 2022 er varðar flísalögn á útisvæði íþróttamiðstöðvar Ólafsfjarðar. Í minnisblaðinu, sem unnið er að ósk bæjarráðs, er lagt til að farið verði í lagfæringar á flísalögn samhliða framkvæmdum í búningsklefum íþróttamiðstöðvarinnar. Áætlaður kostnaður við lagfæringar er um 10 millj.kr., framkvæmdin er ekki á fjárhagsáætlun 2022.

Lögð fram til kynningar fundargerð 1. verkfundar vegna verkefnisins Íþróttamiðstöð Ólafsfirði, endurbætur á búningsklefum.

Lögð fram til kynningar fundargerð 2. verkfundar vegna verkefnisins Íþróttamiðstöð Ólafsfirði, endurbætur á búningsklefum.

Undir þessum lið sat Ármann V. Sigurðsson deildarstjóri tæknideildar.

Lagður fram tölvupóstur dags. 21. júní 2022 frá deildarstjóra tæknideildar þar sem fram kemur staðan á framkvæmdum í Íþróttamiðstöðinni á Ólafsfirði.

Lagt fram minnisblað deildarstjóra tæknideildar ásamt útfærðum viðauka við fjárhagsáætlun 2023 vegna framkvæmda á útisvæði við sundlaugina á Ólafsfirði.

Visað frá 778. fundi bæjarráðs frá 14. febrúar sl. til afgreiðslu bæjarstjórnar.

Lagt fram minnisblað deildarstjóra tæknideildar ásamt útfærðum viðauka við fjárhagsáætlun 2023 vegna framkvæmda á útisvæði við sundlaugina á Ólafsfirði.

Guðjón M. Ólafsson tók til máls.

Með fundarboði bæjarráðs fylgdi minnisblað deildarstjóra tæknideildar þar sem óskað er eftir heimild bæjarráðs til þess að gera verðkönnun vegna verkefnisins og setja verkefnið á fjárfestingaráætlun ársins.

Búið er að endurnýja flísar á heitum pottum og fosslaug á útisvæði sundlaugarinnar á Ólafsfirði. Þegar það var gert voru einnig keyptar flísar til þess að endurnýja flísalögn á lendingarlaugum fyrir rennibrautir. Nú liggur fyrir að klára þarf verkefnið og flísaleggja lendingarlaugarnar.

Tilboð voru opnuð í endurnýjun á flísum lendingarlauga þriðjudaginn 25 júní síðastliðinn. Eitt tilboð barst frá Trésmíði ehf.