Bæjarráð Fjallabyggðar

Albertína Elíasdóttir og Elva Gunnlaugsdóttir frá Samtökum sveitarfélaga og atvinnuþróunar á Norðurlandi eystra (SSNE) komu á fund bæjarráðs til að kynna starfsemi samtakanna.

Lagt fram minnisblað deildarstjóra tæknideildar með samantekt á viðhaldsþörf götulýsingar.

Lagt fram til kynningar yfirlit staðgreiðslu fyrir janúar 2023. Staðgreiðsla fyrir tímabilið nemur kr. 128.581.917,- eða 107,64% af tímabilsáætlun 2023. Íbúum sveitarfélagsins hefur fækkað um tvo á tímabilinu.

Lagt fram til kynningar yfirlit yfir launakostnað og kostnað vegna langtímaveikinda í janúar 2023. Alls voru greiddar kr. 163.401.107 í laun og launatengd gjöld, eða sem nemur 97,21% af launaáætlun.

Lagt fram minnisblað deildarstjóra tæknideildar ásamt útfærðum viðauka við fjárhagsáætlun 2023 vegna framkvæmda á útisvæði við sundlaugina á Ólafsfirði.

Lagt fram minnisblað deildarstjóra tæknideildar og félagsmáladeildar ásamt útfærðum viðauka við fjárhagsáætlun 2023 vegna endurbóta á íbúð í sambýlinu við Lindargötu 2, Siglufirði.

Rekstrarsamningur milli Síldarminjasafns ses. og Fjallabyggðar rann út um síðustu áramót. Fyrir liggja drög að endurnýjuðum samningi til þriggja ára.

Lögð er fram umsókn Palo Arctic slf. um úthlutun lóðar við Sjávargötu 2.

Lögð fram drög að reglum Fjallabyggðar um tónlistarnám utan lögheimilis sveitarfélags.

Lögð fram ársskýrsla Slökkviliðs Fjallabyggðar 2022.

Listaverkið Flæði stendur á lóð Aðalgötu 14 Ólafsfirði. Verkið er gosbrunnur og höfundur er Kristinn Hrafnsson. Verið er að kanna eignarhald þar sem að Listskreytingasjóður styrkti kaup á verkinu á sínum tíma og því gilda strangar reglur varðandi eignarhald. Komið er að viðhaldi og lagfæringu á verkinu.

Lagt fram minnisblað slökkviliðsstjóra er varðar fjarskiptasamband í Fjallabyggð.

Lagt fram erindi Umhverfisstofnunar þar sem óskað er eftir að sveitarfélög tilnefni aðal- og varafulltrúa í vatnasvæðanefnd.

Samkvæmt mótaskrá Snjókross á Íslandi þá á að halda mót nr. 2 á Akureyri helgina 25-26 febrúar. Þar sem mikið af snjó hefur tekið upp hefur Kappakstursklúbbur Akureyrar haft samband við Vélsleðafélag Ólafsfjarðar og óskað eftir að halda þeirra mót á sunnudeginum 19. febrúar í Ólafsfirði. Vélsleðafélag Ólafsfjarðar óskar því eftir leyfi til að halda tvö mót um helgina, fyrra mótið á laugardegi og seinna mótið á sunnudegi. Keppt yrði í sömu braut og yrði seinni keppninni lokið kl. 15:00 á sunnudeginum.

Lagt fram erindi Dýraverndarsambands Íslands þar sem sveitarfélög eru hvött til að koma villtum fuglum til aðstoðar.

Lagt fram boð á samráðsþing um landsáætlun um innleiðingu á samningi Sameinuðu þjóðanna um réttindi fatlaðs fólks verður haldið fimmtudaginn 16. febrúar 2023.

Lögfræði- og Velferðarsvið Sambands íslenskra sveitarfélaga hefur haft til skoðunar á undanförnum vikum stjórnsýsluframkvæmd sem tengist ágangi búfjár skv. IV. kafla laga um afréttarmálefni, fjallskil o.fl. nr. 6/1986. Í tilefni af áliti Umboðsmanns Alþingis frá 11. október 2022 var útbúið minnisblað til sveitarfélaga um þá réttarstöðu sem til staðar er eftir álit umboðsmanns Alþingis og hvaða verklag þyrfti að viðhafa komi slíkar beiðnir fram til sveitarfélaga.

Fundargerð stjórnar Síldarminjasafns Íslands frá 2. febrúar 2023 lögð fram til kynningar.

Fundargerð 36. fundar skólanefndar Tónlistarskólans á Tröllaskaga lögð fram til kynningar.