Umsóknir um stofnframlög ríkisins 2022

Tekinn fyrir tölvupóstur frá Húsnæðis- og mannvirkjastofnun (HMS) dags. 18. febrúar 2022, þar sem fram kemur að hægt er að sækja um stofnframlög ríkisins á heimasíðu HMS og er umsóknarfrestur til 21. mars 2022. Um er að ræða fyrri úthlutun ársins.

Á 732. fundi bæjarráðs var samþykkt að auglýsa eftir umsóknum um stofnframlög í samræmi við lög um almennar íbúðir nr. 52/2016. Auglýsing var birt á vef sveitarfélagsins þann 3. mars en engar umsóknir bárust.

Lagt fram til kynningar dreifibréf frá Húsnæðis- og mannvirkjastofnun þar sem tilkynnt er um að opnað hafi verið fyrir umsóknir um stofnframlög ríkisins.

Í erindinu kemur fram að samkvæmt gildandi lögum og reglugerðum mun að minnsta kosti fjórðungur þess fjármagns sem kemur til úthlutunar renna til bygginga eða kaupa á húsnæði á vegum sveitarfélaga. Er það íbúðarhúsnæði sem sveitarfélög úthluta og ætlað þeim aðilum sem sveitarfélögum ber sérstök lagaskylda til að veita úrlausn í húsnæðismálum. Önnur félög en þau sem eru í eigu sveitarfélags geta fallið innan þessarar forgangsreglu að því gefnu að þau séu með samning við viðkomandi sveitarfélag um að íbúðirnar verði nýttar sem íbúðarhúsnæði á vegum sveitarfélagsins og úthlutað í samræmi við reglur þess. Þá munu verkefni til uppbyggingar húsnæðis fyrir tekju- og eignalágra á vinnumarkaði hafa forgang til 2/3 hluta úthlutaðs fjármagns.