Flugvöllur Siglufirði

Lagt er fram minnisblað bæjarstjóra dags. 11. desember 2021. Í minnisblaðinu er lagt til að bæjarstjóra verði heimilað að auglýsa fyrir hönd sveitarfélagsins eftir samstarfsaðilum til að þróa hugmyndir um nýtingu fasteigna á flugvallarsvæðinu á Siglufirði með það að leiðarljósi að þar geti orðið til öflug atvinnustarfsemi til framtíðar.

Lagðar fram innsendar hugmyndir er varða mögulega framtíðarnýtingu flugvallarsvæðisins á Siglufirði sem bárust í kjölfar auglýsingar 22. desember 2021.

Lögð er fram eftirfarandi bókun bæjarráðs frá 728. fundi ráðsins.

Bæjarráð samþykkir að beina því til bæjarstjórnar að skipaður verði starfshópur tveggja kjörinna fulltrúa úr meiri- og minnihluta, sem ásamt bæjarstjóra yfirfari innsendar hugmyndir og leggi tillögu um næstu skref fyrir bæjarráð eigi síðar en í lok febrúar.

Lagt er fram minnisblaðs starfshóps um úrvinnslu innsendra hugmynda um framtíðarnýtingu flugvallarsvæðisins á Siglufirði dags. 28. febrúar 2022. Í minnisblaðinu er farið yfir innsendar hugmyndir, veitt um þær umsögn og gerð tillaga að næstu skrefum.

Niðurstaða starfshópsins er að leggja til að bæjarstjóra verði falið að hefja formlegar viðræður við þá aðila sem standa að baki hugmyndinni Airport Fjallabyggð, um framtíðaruppbyggingu á flugvallarsvæðinu á Siglufirði.

Steve Richard Lewis mætti á fund bæjarstjórnar og kynnti áform um þróun flugvallarins á Siglufirði.