Úttekt á Samfélagsmiðlum Fjallabyggðar og tillögur.

Bæjarráð þakkar framlagða úttekt og tillögur og samþykkir að fela deildarstjóra fræðslu-, frístunda- og menningarmála að vinna minnisblað með tillögu að aðgerðaáætlun byggt á þeim tillögum sem fram koma í úttektinni. Einnig er deildarstjóra falið að vinna drög að samfélagsmiðlastefnu fyrir sveitarfélagið og leggja fyrir bæjarráð. Að síðustu vísar bæjarráð framlagðri skýrslu til kynningar og umræðu í markaðs- og menningarnefnd.

Skýrslan lögð fram til kynningar. Markaðs- og menningarnefnd frestar frekari umfjöllun um skýrsluna.

Umræðu og afgreiðslu frestað til næsta fundar nefndarinnar.

Markaðs- og menningarnefnd hefur yfirfarið tillögur úr skýrslu sem unnin var eftir úttekt á samfélagsmiðlum Fjallabyggðar árið 2021. Margar af tillögunum eru þegar komnar í virkni, öðrum er fyrirkomið í drögum að samfélagsmiðlastefnu Fjallabyggðar. Nefndin samþykkir drög að samfélagsmiðlastefnu Fjallabyggðar fyrir sitt leyti og vísar til umfjöllunar í bæjarráði. Einnig felur nefndin markaðs- og menningarfulltrúa og deildarstjóra fræðslu-, frístunda- og menningarmála að gera grein fyrir stöðu hverrar tillögu fyrir sig og leggja til kynningar fyrir bæjarráð ásamt stefnunni.

Afgreiðslu frestað.