Bæjarráð Fjallabyggðar

Tekin fyrir tillaga um álagningarprósentu útsvars fyrir árið 2024.

Með fundarboði fylgdi tillaga að álagningu fasteignaskatts og fasteignagjalda fyrir árið 2024 ásamt tillögu að reglum um afslátt til tekjulágra elli- og örorkulífeyrisþega fyrir árið 2024 með uppreikningi á afsláttarfjárhæð og tekjutengingum.

Lagðar fram til afgreiðslu umsóknir um styrki úr bæjarsjóði árið 2024.
Niðurstaða færð í trúnaðarbók þar til fjárhagsáætlun 2024 verður endanlega samþykkt.

Umsóknir félaga og félagasamtaka um styrk til greiðslu fasteignaskatts árið 2024 lagðar fram.

Yfirlit launakostnaðar og kostnaðar vegna langtímaveikinda frá janúar til október 2023 lagt fram til kynningar. Áfallinn launakostnaður er 101,18% af tímabilsáætlun.

Rekstraryfirlit málaflokka fyrir tímabilið janúar til október 2023 lagt fram til kynningar.

Yfirlit staðgreiðslu fyrir janúar til október 2023 lagt fram til kynningar. Staðgreiðsla fyrir tímabilið nemur kr. 121.088.672,- eða 99,75% af tímabilsáætlun 2023. Íbúum bæjarfélagsins hefur fjölgað um 45 á árinu og eru samtals 2.023.

Á fundi sínum 29. september sl. fjallaði skólanefnd Tónlistarskólans á Tröllaskaga og samþykkti fyrir sitt leyti fjárhagsáætlun og drög að gjaldskrá fyrir tónlistarskólann, og vísaði til byggðarráðs Dalvíkurbyggðar og bæjarráðs Fjallabyggðar.

Samningur við Skíðafélag Ólafsfjarðar um rekstur skíðasvæðisins í Tindaöxl er runninn út.

Lagt fram vinnublað deildarstjóra fræðslu-, frístunda- og menningarmála um ósk um kaup á þeytivindum fyrir íþróttamiðstöð, til uppsetningar í búningsklefum sundlaugar á Siglufirði.

Niðurstaða færð í trúnaðarbók.

Samþykkt um kjör fulltrúa í stjórnum, ráðum og nefndum Fjallabyggðar lögð fram til endurskoðunar samkvæmt 10. gr. samþykktarinnar.

Fræðslu- og frístundanefnd vísar umsögn um viðbyggingu við Íþróttamiðstöð Fjallabyggðar á Siglufirði til bæjarráðs.

Lagðar fram tillögur að breytingum á útliti og nýtingu 2. hæðar ráðhússins við Gránugötu 24.

Lögð fram umsókn Aðalheiðar S. Eysteinsdóttur um lóðina Túngötu 22 undir lystigarð ásamt umsögn skipulags- og umhverfisnefndar frá 1. nóvember 2023. Nefndin lagði til að lystigarðurinn yrði á sér lóð í stað þess að sameinast lóð Alþýðuhússins við Þormóðsgötu 11-15. Einnig lagt fram lóðarblað sem hefur verið kynnt Aðalheiði og drög að lóðarleigusamning fyrir Túngötu 22.

Lagt fram minnisblað Samtaka sveitarfélaga og atvinnuþróunar á Norðurlandi eystra (SSNE) um Vetraríþróttamiðstöð Íslands.

Lögð fram stöðuskýrsla frá Golfklúbbi Fjallabyggðar.

Lögð fram styrkbeiðni frá Bergi Jónssyni.

Lögð er fram ábending Jafnréttisstofu til sveitarfélaga um mikilvægi kynja- og jafnréttissjónarmiða við stefnumótun og ákvarðanatöku í breytingum á fyrirkomulagi leikskóla.

Markaðsstofa Norðurlands vekur athygli á því að starfshópar sem hafa unnið að tillögum að aðgerðum inn í aðgerðaráætlun fyrir ferðamálastefnu til 2030, hafa nú skilað umræddum tillögum til stýrihóps um ferðamálastefnuna.

Þær má nú sjá í Samráðsgátt stjórnvalda og hægt er að skoða þær hér: https://samradsgatt.island.is/oll-mal/$Cases/Details/?id=3591

Í framhaldinu er á næstu vikum áformað að halda opna umræðu- og kynningarfundi um vinnuna í öllum landshlutum. Starfshóparnir halda áfram starfi sínu, vinna m.a. úr umsögnum og skila síðan endanlegum tillögum fyrir 15. desember 2023, til framangreinds stýrihóps verkefnisins sem samræmir aðgerðir í heildstæða aðgerðaáætlun og þingskjal, og skilar til ráðherra í janúar 2024.

Hægt er að að lesa meira í frétt á vef stjórnarráðsins: https://www.stjornarradid.is/efst-a-baugi/frettir/stok-frett/2023/11/02/Fyrstu-drog-ad-adgerdum-i-adgerdaraaetlun-ferdamalastefnu-2030-til-umsagnar-i-samradsgatt-/

Félags- og vinnumarkaðsráðuneytið hefur nú birt grænbók í málefnum innflytjenda og flóttafólks í samráðsgátt stjórnvalda á island.is.
Grænbók er hluti af stefnumótunarferli stjórnvalda en nú er unnið að fyrstu heildarstefnu í málefnum innflytjenda og flóttafólks hér á landi.

Grænbókin er unnin í breiðu samráði við helstu haghafa en samráðið hófst í janúar 2023. Markmið grænbókar er að leggja mat á stöðu í málefnum innflytjenda og flóttafólks og greina helstu áskoranir og tækifæri til framtíðar. Lykilviðfangsefnum í grænbók er ætlað að leggja grunn að framtíðarstefnumótun í málaflokknum og stöðumatið verður nýtt til að mæla árangur tilvonandi stefnu.
Grænbókin er fyrst birt á íslensku en áætlað er að ensk og pólsk þýðing komi í samráðsgátt þann 20. nóvember næstkomandi. Opið er fyrir umsagnir um grænbók til 8. desember og er mælst til þess að umsagnir berist annað hvort á íslensku eða ensku.

Dagana 18.-26. nóvember næstkomandi stendur Evrópska Nýtnivikan yfir en markmið átaksins er að hvetja fólk til að draga úr óþarfa neyslu, nýta hluti betur og draga þannig úr myndun úrgangs.

Þema ársins er umbúðir undir slagorðinu Höfum það umbúðalaust!

Fyrirtæki, sveitarfélög, stofnanir, skólar og almenningur eru hvött til þess að leggja sitt af mörkum til að draga úr notkun einnota umbúða.

Fundargerð 110. fundar stjórnar Moltu ehf. lögð fram til kynningar.

Fundargerðir 28. fundar stýrihóps um heilsueflandisamfélag, 101. og 102. fundar markaðs- og menningarnefndar og 132. og 133. fundar fræðslu- og frístundanefndar, 305. fundar skipulags- og umhverfisnefndar, 150. fundar félagsmálanefndar og 141. fundar hafnarstjórnar lagðar fram til kynningar.