Viðbygging við Grunnskóla Fjallabyggðar Ólafsfirði

Bæjarráð vísar tillögum að stækkun grunnskólans til gerðar fjárhagsáætlunar. Bæjarráð áréttar mikilvægi þess að starfsemi miðstigsins verði öll komin undir sama þak við byrjun næsta skólaárs og felur bæjarstjóra að kanna hvaða leiðir, tímabundnar og varanlegar, eru í boði til þess að svo megi verða.

Bæjarráð þakkar fyrir gott minnisblað og óskar eftir að hönnuðir mæti á fund bæjarráðs eftir viku.

Bæjarráð þakkar Ævari Harðarsyni, Albínu Thordarson og Árna Gunnari Kristjánssyni fyrir góða yfirferð á uppfærðum teikningum. Bæjarráð vísar málinu til kynningar í fræðslu- og frístundanefnd.

Bæjarráð samþykkir að unnið verði áfram með útfærslu „G2“ eins og hún kemur fram í greinargerðinni.

Undir þessum lið sat Erla Gunnlaugsdóttir skólastjóri Grunnskóla Fjallabyggðar og Björk Óladóttir fulltrúi foreldra.

Deildarstjóri fræðslu-, frístunda- og menningarmála kynnti frumhönnun viðbyggingar við Grunnskóla Fjallabyggðar í Ólafsfirði fyrir fundarmönnum. Fræðslu- og frístundaefnd þakkar fyrir kynningu á byggingaráformum og líst vel á frumhönnun.

Bæjarráð þakkar deildarstjóra tæknideildar fyrir yfirferðina. Deildarstjóra falið að leggja endanleg útboðsgögn vegna verksins fyrir næsta fund bæjarráðs.

Bæjarráð þakkar deildarstjóra tæknideildar fyrir yfirferð á útboðsgögnum. Bæjarráð veitir deildarstjóra heimild til útboðs skv. minnisblaði.

Bæjarráð harmar að engin tilboð hafi borist í viðbyggingu Grunnskólans við Tjarnarstíg. Deildarstjóra falið að bjóða verkið út aftur með lengdum verktíma sbr. minnisblað hans.

Undir þessum lið sátu Ása Björk Stefánsdóttir skólastjóri Grunnskóla Fjallabyggðar, Brynhildur Reykjalín Vilhjálmsdóttir fulltrúi kennara, Svala Júlía Bjarnadóttir og Kristrún Líney Þórðardóttir fulltrúar foreldra. Lagt fram til kynningar.

Í samræmi við tilmæli minnisblaðs hönnuða hafnar bæjarráð því tilboði sem kom í verkið.
Samþykkt með þremur atkvæðum.

Helgi Jóhannsson lagði fram eftirfarandi bókun:
Það eru veruleg vonbrigði að ekki skuli hafa fengist ásættanleg tilboð í viðbyggingu grunnskólans í Ólafsfirði, þrátt fyrir að verktími hafi verið lengdur í seinna útboði.
Undirritaður leggur til að kannað verði með að bjóða verkið út í smærri verkþáttum. Það má hugsa sér að jarðvinna og grunnur verði boðin út saman eða í sitthvoru lagi. Jafnframt að kannað verði hjá hönnuðum byggingarinnar að annað byggingarefni verði fyrir valinu t.d. límtréseiningar. Kosturinn við það er að hægt er að reisa bygginguna á hvaða tíma ársins sem er.
Nú þarf að leita allra leiða til að byggingin rísi sem fyrst og komist í notkun.

Bæjarráð þakkar deildarstjóra fræðslu-, frístunda- og menningarmála og skólastjóra grunnskólans fyrir komuna á fundinn og góðar umræður á fundinum og felur deildarstjóra og skólastjóra að skila tillögum um mögulegar lausnir til bæjarráðs.

Undir þessum dagskrárlið sat Kristrún Líney Þórðardóttir fulltrúi foreldra grunnskólans. Skólastjóri komst ekki á fundinn.

Viðbygging við skólahús Grunnskóla Fjallabyggðar í Ólafsfirði hefur verið boðin út í tvígang. Ekkert tilboð barst í fyrra skiptið og í seinna skiptið barst tilboð sem var hafnað þar sem það var 55% yfir kostnaðaráætlun.
Ljóst er að til að tilfærsla skólastarfs 5. bekkjar verði að veruleika haustið 2024 þarf að huga að öðrum lausnum.