Bæjarráð Fjallabyggðar

Ævar Harðarson, Albína Thordarson og Árni Gunnar Kristjánsson mættu á fund bæjarráðs til að fara yfir mögulegar leiðir í viðbyggingu við húsnæði Grunnskóla Fjallabyggðar í Ólafsfirði.

Lagðar fram athugasemdir hagsmunaaðila vegna úthlutunar byggðakvóta á fiskveiðiárinu 2022/2023 sem bárust í kjölfar samráðsfundar sem haldinn var í Tjarnarborg.

Lagt fram til kynningar yfirlit yfir launakostnað og kostnað vegna langtímaveikinda frá janúar til desember 2022. Alls voru greiddar kr. 1.959.854.252 í laun og launatengd gjöld, eða sem nemur 96,79% af launaáætlun. Fjöldi stöðugilda við lok tímabils var 179 og fjöldi starfsmanna 259.

Lagt fram til kynningar yfirlit staðgreiðslu fyrir janúar til desember 2022. Staðgreiðsla fyrir tímabilið nemur kr. 1.374.522.093,- eða 93,83% af tímabilsáætlun 2022. Íbúum sveitarfélagsins hefur fjölgað um 10 á árinu.

Lagt er fram yfirlit yfir umsóknir um græna styrki, einnig er lögð fram tillaga að afgreiðslu einstakra erinda.

Lagt er fram yfirlit yfir umsóknir um styrki til hátíðarhalda í Fjallabyggð 2023 og umbeðin umsögn markaðs- og menningarnefndar frá 92. fundi nefndarinnar, einnig er lögð fram tillaga að afgreiðslu einstakra erinda.

Lagt fram yfirlit yfir umsóknir um styrki til greiðslu fasteignaskatts til handa félögum og félagasamtökum fyrir árið 2023.

Lagt er fram yfirlit yfir umsóknir um rekstrarstyrki til safna og setra og umbeðin umsögn markaðs- og menningarnefndar frá 92. fundi nefndarinnar, einnig er lögð fram tillaga að afgreiðslu einstakra erinda.

Lagt fram minnisblað bæjarstjóra og deildarstjóra fræðslu-, frístunda og menningarmála þar sem lagt er til að stofnaður verði starfshópur um stefnumótun og framtíðarsýn íþróttamála í Fjallabyggð.
Samráðshópnum er m.a. ætlað að fjalla um:
- Stefnumótun til framtíðar um metnaðarfulla uppbyggingu fjölbreytts íþróttastarfs fyrir íbúa Fjallabyggðar á öllum aldri.
- Styrkjakerfi sveitarfélagsins til íþróttamála með tilliti til þess hvernig hægt sé að hvetja til sameiningar íþróttafélaga í sömu grein innan sveitarfélagsins.
- Framtíðarsýn í uppbyggingu íþróttamannvirkja og aðstöðu til íþróttaiðkunnar innan húss og utan.
- Að ráðstöfun fjármuna sveitarfélagsins sé forgangsraðað á þann hátt að þeir nýtist fjöldanum.

Lagt fram erindi frá Blakfélagi Fjallabyggðar um aðbúnað félagsins í íþróttahúsinu á Siglufirði.

Lagt fram dreifibréf Samtaka sveitarfélaga og atvinnuþróunar á Norðurlandi eystra (SSNE) um almenningssamgöngur á starfssvæði SSNE.

Lagðar fram til kynningar fundargerðir 143. fundar Félagsmálanefndar Fjallabyggðar, 293. fundar skipulags- og umhverfisnefndar og 94. fundar Markaðs- og menningarnefndar Fjallabyggðar.