Fræðslu- og frístundanefnd Fjallabyggðar

Undir þessum lið sat Kristín María Hlökk Karlsdóttir skólastjóri Leikskóla Fjallabyggðar. 107 nemendur eru nú skráðir í leikskólann og munu tólf nemendur bætast við í vetur. Samtals verða 119 nemendur í skólanum undir lok vetrar. Nú er 41 nemandi á Leikhólum og 66 nemendur á Leikskálum.
Búið er að ráða í allar stöður leikskólans.
Fjallabyggð styður starfsmenn Leikskóla Fjallabyggðar til náms í leikskólafræðum og eru fjórir starfsmenn í slíku námi.

Undir þessum lið sat Kristín María Hlökk Karlsdóttir skólastjóri Leikskóla Fjallabyggðar.
Lagt fram til kynningar.

Undir þessum lið sátu Ása Björk Stefánsdóttir skólastjóri Grunnskóla Fjallabyggðar, Brynhildur Reykjalín Vilhjálmsdóttir fulltrúi kennara, Svala Júlía Bjarnadóttir og Kristrún Líney Þórðardóttir fulltrúar foreldra. Undirbúningur skólastarfs gengur vel. Nemendur eru nú skráðir 222. Útlit er fyrir að það takist að manna allar stöður. Skólasetning verður 23. ágúst nk.
Kennsla hefst samkvæmt stundatöflu fimmtudaginn 24. ágúst.

Undir þessum lið sátu Ása Björk Stefánsdóttir skólastjóri Grunnskóla Fjallabyggðar, Brynhildur Reykjalín Vilhjálmsdóttir fulltrúi kennara, Svala Júlía Bjarnadóttir og Kristrún Líney Þórðardóttir fulltrúar foreldra. Lagt fram til kynningar.

Lagðar fram upplýsingar frá forstöðumanni íþróttamiðstöðva um aðsóknartölur í sundlaugar Fjallabyggðar í apríl og maí 2023. Fyrir liggur tillaga forstöðumanns að opnunartíma sundlauga fyrir veturinn 2023-2024. Tillagan gerir ráð fyrir jafnri opnun í báðum sundlaugum, alla virka dag til kl. 19:45, stytting opnunartíma sundlaugar á Siglufirði hefur ekki áhrif á nýtingu íþróttahúss.
Fræðslu- og frístundanefnd samþykkir tillögu forstöðumanns til reynslu í þrjá mánuði og óskar eftir að haldið verði utan um aðsóknartölur þennan tíma.