Opnunartími íþróttamiðstöðva veturinn 2023-2024

Undir þessum lið sat Skarphéðinn Þórsson forstöðumaður Íþróttamiðstöðva Fjallabyggðar. Forstöðumaður lagði fram hugmynd að opnunartíma íþróttamiðstöðva á komandi vetri sem felur í sér meiri samræmingu milli opnunartíma íþróttamiðstöðva í báðum bæjarkjörnum. Nefndin tekur jákvætt í hugmynd forstöðumanns en óskar eftir að hann taki saman aðsóknartölur og leggi fyrir nefndina í ágúst. Með því móti sé hægt að skoða raunverulega nýtingu á sundlaugum og líkamsræktum sveitarfélagsins.

Lagðar fram upplýsingar frá forstöðumanni íþróttamiðstöðva um aðsóknartölur í sundlaugar Fjallabyggðar í apríl og maí 2023. Fyrir liggur tillaga forstöðumanns að opnunartíma sundlauga fyrir veturinn 2023-2024. Tillagan gerir ráð fyrir jafnri opnun í báðum sundlaugum, alla virka dag til kl. 19:45, stytting opnunartíma sundlaugar á Siglufirði hefur ekki áhrif á nýtingu íþróttahúss.
Fræðslu- og frístundanefnd samþykkir tillögu forstöðumanns til reynslu í þrjá mánuði og óskar eftir að haldið verði utan um aðsóknartölur þennan tíma.

Undir þessum lið sat Skarphéðinn Þórsson forstöðumaður íþróttamiðstöðva. Á 129. fundi sínum, þann 21.8.2023, samþykkti fræðslu-, og frístundanefnd að samræma opnunartíma sundlauga á virkum dögum í báðum byggðarkjörnum til reynslu í 3 mánuði. Forstöðumaður fór yfir aðsóknartölur í sundlaugum og líkamsræktum Fjallabyggðar á haustönn. Ljóst er að breytingin hefur haft jákvæð áhrif á aðsókn. Fræðslu- og frístundanefnd leggur því til að opnun íþróttamiðstöðva í Fjallabyggð verði með sama hætti fram að sumri 2024.

Skarphéðinn Þórsson forstöðumaður Íþróttamiðstöðva Fjallabyggðar sat undir þessum dagskrárlið og fór yfir aðsóknartölur í sundlaugar og líkamsræktar íþróttamiðstöðvanna á tímabilinu 4.9.2023-4.2.2024. Einnig fór hann yfir opnunartíma og vinnutíma starfsmanna á sama tímabili.