Fræðslu- og frístundanefnd Fjallabyggðar

Undir þessum lið sat Skarphéðinn Þórsson forstöðumaður íþróttamiðstöðva og fór yfir fyrirhugaðan opnunartíma íþróttamiðstöðva um jól og áramót 2023.

Undir þessum lið sat Skarphéðinn Þórsson forstöðumaður íþróttamiðstöðva. Á 129. fundi sínum, þann 21.8.2023, samþykkti fræðslu-, og frístundanefnd að samræma opnunartíma sundlauga á virkum dögum í báðum byggðarkjörnum til reynslu í 3 mánuði. Forstöðumaður fór yfir aðsóknartölur í sundlaugum og líkamsræktum Fjallabyggðar á haustönn. Ljóst er að breytingin hefur haft jákvæð áhrif á aðsókn. Fræðslu- og frístundanefnd leggur því til að opnun íþróttamiðstöðva í Fjallabyggð verði með sama hætti fram að sumri 2024.

Yfirferð á innra mati, umbóta- og starfsáætlun gæðaráðs er frestað fram til næsta fundar fræðslu- og frístundanefndar.

Reglur og skilyrði um frístundastyrki hafa verið uppfærð fyrir árið 2024. Frístundastyrkur til barna á aldrinum 4.-18. ára, verður 47.500 kr. á árinu 2024. Frístundastyrkir eru afgreiddir í gegnum Sportabler og þá er hægt að nýta til að greiða æfingargjöld íþróttafélaga, skólagjöld í tónlistarskóla og ýmist annað frístundastarf barna. Frístundanefnd samþykkir uppfærðar reglur fyrir sitt leyti og vísar til bæjarstjórnar.

Fræðslu- og frístundanefnd þakkar ábendinguna og telur mikilvægt að skoða öll jafnréttissjónarmið þegar teknar eru stefnumótunarákvarðanir sem þessar.