Bæjarráð Fjallabyggðar

Lagt fram minnisblað deildarstjóra tæknideildar er varðar vatnsleka í Skálarhlíð.

Afgreiðslu frestað. Bæjarráð samþykkir að boða til aukafundar bæjarráðs fimmtudaginn 25.11.2022 kl. 12:15 til þess að fara yfir þennan lið fundarins.

Lagt fram minnisblað deildarstjóra tæknideildar, þar sem lagt er til að stofnaður verði starfshópur sem samanstendur af embættismönnum og bæjarfulltrúum til þess að vinna að úrlausn þeirra mála sem til koma vegna gildistöku nýrra laga um meðhöndlun úrgangs.

Lagt fram vinnuskjal deildarstjóra fræðslu-, frístunda- og menningarmála vegna fyrirhugaðrar viðbyggingar við húsnæði Grunnskóla Fjallabyggðar á Ólafsfirði.

Lagt fram yfirlit deildarstjóra tæknideildar yfir stöðu framkvæmda í Fjallabyggð fyrir árið 2022.

Bæjarráð samþykkir að í ljósi þess að ráðgert er að hefja framkvæmdir á malarvellinum næsta vor að málið verði endurvakið og gerðar verði jarðvegsrannsóknir í samræmi við tillögur tæknideildar sem komu fram í minnisblaði frá 26. júní síðastliðnum. Því til viðbótar er óskað eftir að einnig verði jarðvegsrannsóknir vegna máls númer 2112032.

Fjármálaráðstefna sveitarfélaga árið 2023 verður haldin dagana 21.-22. september á Hilton Reykjavík Nordica.

Samband íslenskra sveitarfélaga tilnefnir Sigríði Ingvarsdóttur, bæjarstjóra Fjallabyggðar, og Liv Aase Skarstad, bæjarfulltrúa í Akraneskaupstað, í fulltrúaráð Brákar hses.

Minnisblað sviðsstjóra fjölskyldusviðs Húnaþings vestra, félagsmálastjóra Austur Húnavatnssýslu, félagsmálastjóra Skagafjarðar, deildarstjóra félagsmáladeildar Fjallabyggðar og sviðsstjóra félagsmálasviðs Dalvíkurbyggðar um "samstarf á Mið Norðurlandi um barnavernd" lagt fram til kynningar.

Innviðaráðuneytið vekur athygli á eftirfarandi:

Að beiðni innviðaráðuneytisins vinnur Byggðastofnun nú að gerð leiðbeininga og fyrirmynd varðandi það hvernig sveitarfélög geti útfært stefnu um þjónustustig til byggðarlaga utan stærstu byggðarkjarna viðkomandi sveitarfélags. Tilefnið er nýtt ákvæði í sveitarstjórnarlögum, nr. 138/2011, sem kveður á um að "sveitarstjórn skuli móta stefnu sem sveitarfélagið hyggst halda uppi í byggðum og byggðarlögum fjarri stærstu byggðarkjörnum." Norðurþing varð fyrir valinu sem tilraunasveitarfélag í þessu verkefni og samstarf við sveitarfélagið hófst fljótlega eftir að sú ákvörðun var tekin. Gert er ráð fyrir að verkefninu ljúki 1. desember nk.

Umhverfis- og samgöngunefnd Alþingis sendir til umsagnar tillögu til þingsályktunar um öruggt farsímasamband á þjóðvegum, 46. mál.

Lagðar fram til kynningar fundargerðir 140. fundar félagsmálanefndar Fjallabyggðar, 131. fundar Hafnarstjórnar Fjallabyggðar og 33. fundar skólanefndar Tónlistarskólans á Tröllaskaga.