Jarðvegsrannsóknir á lausum lóðum í Fjallabyggð

Lagður fram tölvupóstur frá Arnari Þór Stefánssyni dags. 14. júní 2022 þar sem óskað er eftir að sveitarfélagið ráðist í að kanna hvernig undirlag á malarvelli hentar fyrir byggingu þeirra mannvirkja sem þar eru skipulögð. Þar kemur fram að til að geta haft forystu um uppbyggingu þarf sveitafélagið að þekkja gæði byggingarlands m.t.t. slíkra þátta, þegar umfang byggingarreits er með þessum hætti.

Lagt fram minnisblað frá deildarstjóra tæknideildar dags. 26. júní 2022 þar sem fram kemur að lóðirnar við Eyrarflöt, Bakkabyggð og Mararbyggð eru á tilbúinni fyllingu og þarf því ekki að kanna jarðveg þar. Varðandi lóðir á malarvellinum á Siglufirði kemur fram að könnun hafi verið gerð á áttunda áratugnum og skv. þeim upplýsingum var ekki komið niður á fastan jarðveg.
Ef gera ætti nýja athugun á svæðinu yrði áætlaður kostnaður samtals kr. 500.000.-

Lagt fram minnisblað deildarstjóra tæknideildar, dags. 30.09.2022 vegna stöðu verkefnisins.

Bæjarráð samþykkir að í ljósi þess að ráðgert er að hefja framkvæmdir á malarvellinum næsta vor að málið verði endurvakið og gerðar verði jarðvegsrannsóknir í samræmi við tillögur tæknideildar sem komu fram í minnisblaði frá 26. júní síðastliðnum. Því til viðbótar er óskað eftir að einnig verði jarðvegsrannsóknir vegna máls númer 2112032.