Bæjarráð Fjallabyggðar

Lagt fram erindi frá Ingvari Hreinssyni, Sigurði Ægissyni og Örlygi Kristfinnssyni dags. 13. júní 2022 vegna leyfis til skotveiða á Siglufirði.
Þar sem fram kemur að það skotveiðileyfi sem Fjallabyggð hefur samþykkt gildi ekki á þeim varpsvæðum sem þeim hefur verið falin umsjá með og er farið fram á staðfestingu bæjarráðs á þeim skilningi.

Einnig lögð fram yfirlýsing sjónarvotta dags. 20. júní 2022.

Lagður fram tölvupóstur frá Brynju Hafsteinsdóttur f.h. stjórnar UÍF dags. 10. júní 2022 þar sem fram kemur að stjórn UÍF fagnar því að meirihlutinn hafi sammælst um að leggja áherslu á uppbyggingu mannvirkja til íþróttaiðkunar og setja á fót samráðshóp þar að lútandi.

Stjórn UÍF er tilbúin til að taka sæti í samráðshóp og leiða vinnu hans.

Lagt fram til kynningar erindi Landskerfi bókasafna dags., 14. júní 2022 þar sem fram kemur að boðað er til aðalfundar Landskerfis bókasafna hf. miðvikudaginn 29. júní, kl.14:30 í húsakynum félagsins að Katrínartúni 4, 105 Reykjavík.

Lagður fram tölvupóstur frá Arnari Þór Stefánssyni dags. 14. júní 2022 þar sem óskað er eftir að sveitarfélagið ráðist í að kanna hvernig undirlag á malarvelli hentar fyrir byggingu þeirra mannvirkja sem þar eru skipulögð. Þar kemur fram að til að geta haft forystu um uppbyggingu þarf sveitafélagið að þekkja gæði byggingarlands m.t.t. slíkra þátta, þegar umfang byggingarreits er með þessum hætti.

Lagður fram tölvupóstur frá Vali Rafni Halldórssyni f.h. Sambands íslenskra sveitarfélaga dags. 10. júní 2022 þar sem fram kemur að dagana 28. - 30. september nk. verði landsþing sambandsins haldið á Akureyri.

Sveitarfélög eru hvött til að gera ráðstafanir í tíma og óskað er eftir að sveitarfélögin kjósi landsþingsfulltrúa á þingið.

Einnig er minnt á erindi frá sambandinu frá 6. maí sl.

Lagt fram til kynningar opið bréf til Alþingsmanna á Íslandi dags. 14. júní 2022 frá Bindindissamtökunum IOGT á Íslandi.

Lagður fram til kynningar tölvupóstur frá Önnu Gunnhildi Ólafsdóttur, verkefnisstjóra f.h. Innviðaráðuneytis dags. 16. júní 2022 varðandi reglulega upplýsingapósta til kjörinna fulltrúa í sveitarstjórnum.

Lögð fram til kynningar fundargerð 38. fundar stjórnar Samtaka sveitarfélaga og atvinnuþróunar á Norðurlandi eystra sem haldinn var þann 8. júní sl..

Lögð fram til kynningar fundargerð 138. fundar Félagsmálanefndar Fjallabyggðar sem haldinn var þann 9. júní sl.