Skipulags- og umhverfisnefnd Fjallabyggðar

Á fundinn mætti Lilja Filippusdóttir og kynnti drög að deiliskipulagi fyrir hafnar- og athafnasvæði á Siglufirði.

Lagt fram minnisblað Yrkis Arkitekta dags. 1.9.2023 þar sem velt er upp nokkrum spurningum varðandi vinnu við deiliskipulag suðurbæjar Siglufjarðar.

Lagt fram erindi sóknarnefndar Ólafsfjarðarprestakalls dags. 29.8.2023. Af þeim tillögum sem lagðar voru fram til grundvallar staðsetningar á nýjum kirkjugarði í Ólafsfirði hlutast meirihluti sóknarnefndar til að svæðið við Garðsveg sé vænlegasti kosturinn.

Lögð fram tillaga H-listans vegna byggingu íbúðarhúsnæðis í Ólafsfirði. Bæjarstjórn samþykkti tillöguna á fundi sínum þann 7.júlí sl. og vísaði málinu til afgreiðslu skipulags- og umhverfisnefndar.

H-listinn leggur hér fram eftirfarandi tillögu í þremur liðum.
a) Að hafin verði vinna við að deiliskipuleggja svæðið norðan við hús eldri borgara í Ólafsfirði að Aðalgötu með það fyrir augum að byggja þar hentugt húsnæði, raðhús, á einni hæð.
b) Einnig verði kannað hvort skynsamlegt geti verið að breyta núverandi deiliskipulagi við Bakkabyggð og Mararbyggð þannig að hægt verði að koma þar fyrir lóðum fyrir par- og raðhús og er aðallega horft til lóða norðan við göturnar. Engar skipulagðar lóðir eru fyrir par- eða raðhús í Ólafsfirði í dag.
c) Að bæjarstjóra verði falið að hefja viðræður við leigufélögin Brák og Bríeti um aðkomu þeirra og kaupum á nýjum íbúðum í Ólafsfirði. Markmiðið er að framkvæmdir við verkefnið gætu hafist árið 2024.

Lögð fram umsókn um byggingarleyfi dagsett 24.7.2023 þar sem Haukur Ásgeirsson sækir um leyfi fyrir hönd Hlíðarvegar 20 ehf., til að breyta fyrirkomulagi rishæðar þannig að hún verði ein íbúð í stað tveggja, í samræmi við meðfylgjandi teikningar.

Lögð fram að nýju umsókn um leyfi fyrir viðbyggingu við Laugarveg 34 að lokinni grenndarkynningu. Engar athugasemdir bárust á kynningartímanum.

Lögð fram umsókn um byggingarleyfi dagsett 3.9.2023 þar sem Ólafur Símon Ólafsson sækir um leyfi fyrir viðbyggingu við Eyrargötu 31 til suðurs í samræmi við meðfylgjandi teikningar. Með umsókn fylgja undirritaðir aðaluppdrættir, skráningartafla, séruppdrættir og samþykki nágranna á aðliggjandi lóðum.

Lögð fram umsókn dags. 21.7.2023 þar sem Tómas Einarsson f.h. Skiltagerðar Norðurlands ehf. sækir um stækkun á lóðinni Námuvegi 8 í samræmi við gildandi deiliskipulag. Einnig lagt fram lóðarblað tæknideildar dags.14.08.2023.

Lögð fram drög að lóðarleigusamning undir lóð fyrir Garðsárvirkjunarhúsið í Ólafsfirði. Lóðin er óstaðfest í þinglýsingarbókum þar sem enginn lóðarleigusamningur hefur verið gerður. Lóðin er í óskiptri sameign eigenda Garðs 1 (Fjallabyggð) og Garðs 2. Einnig lagt fram lóðarblað tæknideildar dags.17.08.2023.

Lögð fram umsókn dags. 29.8.2023 þar sem Margrét Rögnvaldsdóttir f.h. Jarðbakka ehf. sækir um endurnýjun lóðarleigusamnings við Hornbrekkuveg 10, Ólafsfirði. Það er ekki til lóðarleigusamningur fyrir lóðina hún er því óstaðfest í þinglýsingarbókum.

Lögð fram umsókn Norðurorku hf. dagsett 25.júlí 2023 þar sem óskað er eftir leyfi til uppsetningar á loftneti hjá hitaveitutanki á Laugarengi. Einnig lögð fram tölvuteiknuð mynd sem sýnir hvernig lotnetið kemur til með að líta út.

Lagt fram erindi Gests Þórs Guðmundssonar, eiganda Túngötu 40 á Siglufirði, dags. 12.7.2023. Óskað er eftir tillögum Fjallabyggðar um hvernig skuli leysa bílastæðamál norðan við Túngötu 40 og lagt til að Fjallabyggð setji malbik/bundið slitlag og merki bílastæði á það svæði sem Fjallabyggð er með til umráða.

Samkvæmt 37. gr. umferðarlaga nr.77/2019 skal hámarksökuhraði tilgreindur í heilum tugum að undanteknum hámarksökuhraðanum 15 km á klst. Í þéttbýli Fjallabyggðar er í dag hámarksökuhraði 35 km á klst.
Lögð fram tillaga tæknideildar að hámarkshraða í þéttbýli Fjallabyggðar. Tillagan er unnin samkvæmt bókun skipulags- og umhverfisnefndar frá 7.desember sl. þar sem lýst var yfir áhuga hjá Fjallabyggð að færa hámarkshraða á öllum þjóðvegum í þéttbýlinu í 30 km/klst. Einnig var tillagan borin undir og unnin í samvinnu við Vegagerðina sem er veghaldari þjóðvega landsins.