Bæjarráð Fjallabyggðar

Vinnuskjal deildarstjóra fræðslu-, frístunda- og menningarmáladeildar um skólamáltíðir í grunnskóla Fjallabyggðar lagt fram.

Fyrir liggja drög að leigusamningi vegna Eyrargötu 3 Siglufirði.

Skýrsla KPMG um stjórnsýsluskoðun Fjallabyggðar 2023 lögð fram.

Lagt fram minnisblað deildarstjóra stjórnsýslu og fjármáladeildar um kjörstaði við forsetakosningar 1. júní 2024.
Lagt er til að kjörstaðir verði eftirfarandi:
Menntaskólinn á Tröllaskaga og íþróttahúsið á Siglufirði.

Á 239. fundi bæjarstjórnar var tekið til afgreiðslu mál 2204075 - Nýr kirkjugarður í Ólafsfirði - frá 308. fundi skipulags- og umhverfisnefndar. Lagðar voru fram tvær tillögur um staðarval nýs kirkjugarðs í Ólafsfirði, ásamt staðarvalsgreiningu sem unnin var af Kanon Arkitektum. Ákvörðun um staðarval var vísað til bæjarstjórnar.
Á fundi bæjarstjórnar var samþykkt með 7 atkvæðum að fela deildarstjóra stjórnsýslu- og fjármáladeildar að leggja fram tillögur að útfærslu á atkvæðagreiðslu meðal íbúa Ólafsfjarðar, þar sem bæjarstjórn taldi brýnt að óska eftir áliti íbúa áður en staðsetningum á nýjum grafreit í Ólafsfirði yrði ákveðinn. Bæjarstjórn fól bæjarráði heimild til fullnaðarafgreiðslu á framkvæmd atkvæðagreiðslunnar.
Lögð fram tillaga deildarstjóra stjórnsýslu- og fjármáladeildar að kosningarkerfi fyrir íbúakosningu. Tillagan var unnin með skipulagsfulltrúa.

Yfirlit staðgreiðslu fyrir mars 2024 lagt fram til kynningar. Staðgreiðsla fyrir tímabilið nemur kr. 128.256.936,- eða 91,2% af tímabilsáætlun 2024. Íbúum bæjarfélagsins hefur fjölgað um 14 á árinu.

Yfirlit launakostnaðar og kostnaðar vegna langtímaveikinda fyrir janúar-mars 2024 lagt fram til kynningar. Áfallinn launakostnaður er 100,00% af tímabilsáætlun.

Vinnuskjal deildarstjóra stjórnsýslu- og fjármáladeildar um afgreiðslu á styrkumsóknum félaga og félagasamtaka um styrki til greiðslu fasteignaskatts 2024 lagðar fram. Styrkveitingarnar rúmast innan fjárheimilda.

Drög að uppfærðum vinnureglum Fjallabyggðar um töku orlofs lagðar fram.

Á 822. fundi bæjarráðs var bæjarstjóra falið að svara erindi heilbrigðisfulltrúa vegna erindis um athugun á neysluvatni í Ólafsfirði. Minnis- og svarbréf bæjarstjóra og deildarstjóra tæknideildar lagt fram til kynningar.

Vatnsveitan í Ólafsfirði annar ekki eftirspurn og er viðkvæm fyrir skakkaföllum. Auka þarf afkastagetu kerfisins og sveigjanleika. Sveitafélagið nýtir nú þegar vatnasvið Brimnessdals fyrir vatnstöku, en nýtir ekki afrennsli Brimnesár beint. Tækifæri er í því fyrir veituna að nýta auka afköst með því að taka vatn úr ánni til afhendingar.

Lagt fram erindi Lögreglustjórans á Norðurlandi eystra um styrkveitingu til reksturs Bjarmahlíðar þolendamiðstöðvar á Akureyri í tilefni af 5 ára starfsafmæli samtakanna.

Verkefnið Saman gegn sóun er um þessar mundir að móta nýja stefnu um úrgangsforvarnir. Af því tilefni stendur til að halda opna fundi á Akureyri, Ísafirði og Egilsstöðum og við hvetjum kjörna fulltrúa og starfsfólk sveitarfélaga og landshlutasamtaka til að mæta.

Fundargerð 61. fundar stjórnar SSNE lögð fram til kynningar.

Velferðarnefnd Alþingis sendir til umsagnar 143. mál um málefni aldraðra (réttur til sambúðar). Umsagnaraðilar geta sent umsögn í gegnum umsagnagátt Alþingis. Frestur til að senda inn umsögn er til og með 8. apríl nk.