Fréttir

Stólajóga, jóga og slökun, fyrir byrjendur og lengra komna. Zumba Gold, Zumba er dansæfing og líkamsþjálfun tilvalið fyrir þá sem hafa gaman af dansi. Vatnslitanámskeið Jónu Bergdal, helgarnámskeið.

Vetrarstarf Karlakórs Fjallabyggðar hefst 18. september næstkomandi kl. 19. Fjórar kóræfingar eru að jafnaði í mánuði og framundan er spennandi starfsár hjá kórnum.

Að gefnu tilefni er íbúum bent á að auglýst tómstunda- og íþróttastarf eldri borgara er einungis í boði fyrir 67 ára og eldri.

Guðlaugur Þór Þórðarson, umhverfis-, orku- og loftslagsráðherra, fundaði sl. miðvikudag með bæjarstjórnarfulltrúum Fjallabyggðar og fleirum góðum gestum og kynnti þeim drög að skýrslu sem nú er í vinnslu um mat á þörf fyrir varnarvirki og viðbúnað vegna ofanflóðahættu á atvinnusvæðum á Íslandi.

Haldnir verða tveir rafrænir kynningarfundir um Uppbyggingarsjóð, annar verður haldinn 18. september kl. 16:15 en hinn 20. september kl. 12:15.

Síldarminjasafnið hlýtur Phoenix-verðlaun Félags bandarískra ferðarithöfunda (e. Society of American Travel Writers). Með þeim er veitt viðurkenning á sviði sögu, menningar og umhverfis og heiðraðir áfangastaðir sem sýna ábyrga, sjálfbæra ferðaþjónustu.

Nú styttist í ráðstefnu Evrópsku Kítinsamtakanna, EUCHIS 2023, á Siglufirði 11.-14. september 2023. Samtökin eru leiðandi á heimsvísu í kítíniðnaðnum og munu rúmlega hundrað vísindamenn og fólk úr nýsköpunargeiranum vítt og breitt um heiminn sækja ráðstefnuna. Það er ánægjulegt að samtökin hafi valið Siglufjörð sem ráðstefnustað en hingað til hefur hún farið fram í stórborgum í Evrópu og til stóð að hún yrði haldin í Moskvu í ár.

233. fundur bæjarstjórnar Fjallabyggðar, verður haldinn í Ráðhúsi Fjallabyggðar þann13. september 2023 kl. 12:00.

Veginum um Strákagöng (76-10) verður lokað þriðjudagskvöldið 12. september á milli klukkan 20:00-23:00 vegna æfingar Slökkviliðs Fjallabyggðar

Í dag var undirritaður samningur á milli stjórnar Félags eldri borgara í Ólafsfirði og Fjallabyggðar vegna húseignarinnar Bylgjubyggð 2, þ. e. hús eldri borgara. Þar með verður Fjallabyggð þinglýstur eigandi húseignarinnar og tekur yfir rekstur hennar. En Félag eldri borgara mun fá endurgjaldslaus afnot af hluta hússins fyrir félagsstarf sitt.