Veginum um Strákagöng (76-10) verður lokað þriðjudagskvöldið 12. september á milli klukkan 20:00-23:00 vegna æfingar Slökkviliðs Fjallabyggðar í göngunum. Umferð verður beint um Lágheiði á meðan á lokun stendur. Lokanir verða settar upp við Ketilás og áningarstað við Siglufjörð.
![‼️](https://static.xx.fbcdn.net/images/emoji.php/v9/t77/1/16/203c.png)
Á æfingunni mun slökkvilið í samstarfi við Vegagerðina og aðra viðbragðsaðila æfa viðbragð við atburði í jarðgöngum. Æfingin er nokkuð umfangsmikil og geta vegfarendur átt von á því að verða varir við umferð viðbragðsaðila um svæðið.
Að æfingunni standa Slökkvilið Fjallabyggðar og Vegagerðin með aðstoð frá Slökkviliði Akureyrar. Notaður verður búnaður sem Vegagerðin hefur fjárfest í sem ætlaður er til æfinga fyrir slökkvilið í jarðgöngum. Búnaðurinn hefur áður verið notaður til æfinga í Vaðlaheiðargöngum og Norðfjarðargöngum.