Fréttir

Samkvæmt veðurspá má búast við að óveðrið skelli á Fjallabyggð upp úr kl. 18:00 í dag. Eru íbúar hvattir til að fergja allt lauslegt á lóðum sínum og koma ruslatunnum í gott skjól. Almannavarnir hafa lýst yfir óvissustigi á öllu landinu þannig að það er betra að hafa vaðið fyrir neðan sig og setja öryggið á oddinn þannig að skaðinn verði sem minnstur.

Vegna yfirvofandi óveðurs sem ganga á yfir landið síðar í dag hefur Strætó tilkynnt að Leið 78, frá Sigluf­irði kl.15:00 á Ak­ur­eyri og frá Ak­ur­eyri kl.16:30 að Sigluf­irði falli niður.

Jólatónleikar Tónskóla Fjallabyggðar verða í Tjarnarborg þriðjudaginn 8. desember kl. 19:00 og í Siglufjarðarkirkju miðvikudaginn 9. desember kl. 18:00. Fram koma nemendur og kennarar tónskólans með skemmtilega jóladagskrá.

Þann 16. október sl. var auglýst laust til umsóknar nýtt starf deildarstjóra fræðslu- frístunda- og menningarmála. Alls sóttu 9 einstaklingar um starfið.

Félagarnir á skíðasvæði Siglufjarðar, Skarðsdal, hafa ákveðið að opna skíðasvæðið í dag frá kl 13:00 - 18:00. Búið var að auglýsa formlega opnun laugardaginn 5. desember en veðurspá fyrir morgundaginn er ekki góð.

Um síðustu helgi var fóru fjórar stúlkur frá Grunnskóla Fjallabyggðar suður að taka þátt í Stíl sem er árleg hönnunarkeppni á milli félagsmiðstöðva. Þar er keppt í hárgreiðslu, förðun og fatahönnun út frá ákveðnu þema. Þemað í ár var náttúran.

Í tilefni að Alþjóðadegi fatlaðs fólks verður opið hús í IÐJU (Aðalgötu 7) fimmtudag 3. desember og föstudag 4.desember frá kl: 13:00 – 18:00.

Tendrun jólatrés á Siglufirði Ljós verða tendruð á jólatréinu á Siglufirði fimmtudaginn 3. desember kl. 18:00

Nú í vetur munu Símenntunarmiðstöð Eyjafjarðar, SÍMEY og sveitarfélagið Fjallabyggð bjóða upp á Landnemaskólann í Fjallabyggð. Um er að ræða 80 klukkustunda, fjölþætt og öflugt námstilboð fyrir fólk af erlendum uppruna. Námið hófs 23. nóv. 2015 og stendur til 12. mars 2016. Kennsla fer fram á mánudögum og miðvikudögum kl. 15:00 – 18:00 , auk þriggja fræðsluferða um helgar.

Þriðjudaginn 1. des. 2015 kl. 16:00 til 20:00 verður opið á vinnustofu Aðalheiðar S. Eysteinsdóttur í Alþýðuhúsinu á Siglufirði. Aðalheiður opnar sýningu í Kompunni sem ber yfirskriftina " Allir fá þá eitthvað fallegt ", og eru það litlir tréskúlptúrar sem tilvaldir eru í jólapakkann. Gestum er boðið að eiga notalega stund í upphafi aðventu og þiggja léttar veitingar.