Fréttir

Trilludagar voru haldnir á Siglufirði í þriðja sinn um nýliðna helgi. Þóttu þeir takast einstaklega vel og var góð stemning á bryggjunni allan daginn. Talið er að um 1500 manns hafi lagt leið sína niður á höfn og notið þess sem í boði var.

Búið er að opna tjaldsvæðið við Stóra Bola.

Vegna framkvæmda við uppsetningu snjóflóðastoðvirkja í Hafnarhyrnu, fyrir ofan Siglufjörð, verður að loka tjaldsvæðinu við Stóra-Bola það sem eftir lifir dags og fram eftir degi á morgun 26. júlí.

Dagana 7. - 10. ágúst nk. verður Kristín Tómasdóttir á ferðinni með sjálfstyrkingarnámskeið fyrir stúlkur á aldrinum 8-12 ára í Fjallabyggð.

Síðustu ár hefur Fjallabyggð verið hluti Saman-hópsins, en aðalmarkmið þess hóps er að auka samstarf fólks sem vinnur að forvörnum. Skilaboðum hópsins hefur frá stofnun verið komið á framfæri í fjölmiðlum, með umræðum og auglýsingum, en hópurinn leggur áherslu á að starf hans skili sér til allrar landsbyggðarinnar.

Hinir árlegu Berjadagar í Ólafsfirði í Fjallabyggð, verða nú haldnir í tuttugasta sinn frá 16. - 19. ágúst nk. með uppskeru aðalbláberja og fjallagrasa. Hægt er að nálgast upplýsingar um viðburði og listamenn á heimasíðunni berjadagar-artfest.com. Dagskrá hátíðarinnar er einnig að finna á Facebook síðu Berjadaga Íslenska sönglagið er afmælisþema Berjadaga 2018. Íslensk sönglög hafa glætt hátíðina lífi allt frá því leikar fóru fyrst fram á þeim fagra stað, Ólafsfirði.

Enn á ný mun Siglufjörður iða af lífi þegar fjölskylduhátíðin Trilludagar verður haldin laugardaginn 28. júlí nk., en þá verður gestum á öllum aldri boðið uppá sjóstöng og skemmtisiglingar út á fjörðinn fagra. Aflinn verður síðan grillaður þegar í land er komið. Síldargengið fer rúnt um bæinn, Sirkus Íslands kíkir í heimsókn og fjölskyldugrill verður á Rauðkutúni ásamt bryggjuballi þar sem Landabandið mun halda uppi fjörinu fram eftir kvöldi.

Hestamannafélagið Gnýfari mun standa fyrir reiðnámskeiði fyrir börn, unglinga og fullorðna í Ólafsfirði.

Í vor stóð Minjastofnun Íslands fyrir Menningarminjakeppni grunnskólanna í tilefni af Menningararfsári Evrópu 2018. Menningarminjakeppnin er hluti af stærri viðburði Evrópuráðsins, European Heritage Makers Week. Í Menningarminjakeppnina bárust sjö verkefni frá tveimur skólum: Grunnskólanum á Drangsnesi og Grunnskóla Fjallabyggðar.

Íbúðarsvæði við Aðalgötu og Ólafsveg í Ólafsfirði Bæjarráð Fjallabyggðar samþykkti þann 26.júní sl. tillögu að óverulegri breytingu á Aðalskipulagi Fjallabyggðar 2008-2028 samkvæmt 2.mgr. 36.gr. skipulagslaga nr. 123/2010. Breytingin felur í sér að Aðalgata 15 og Ólafsvegur 3 verði skilgreint sem íbúðarsvæði í stað svæðis fyrir þjónustustofnanir. Greinargerð með rökstuðningi er á uppdrætti dags. 17.maí 2018.